ពលរដ្ឋភូមិស្រែវាលសប្បាយរីករាយខណៈទទួលបានអគាសិក្សាសាភាចិនដើម្បីបង្កើនចំណេះដឹងសាភាបន្ថែមទៀត
នៅព្រឹក ថ្ងៃទី២៤ ខែមិថុនា ឆ្នាំ២០១៨នេះ ឯកឧត្តម គួច ចំរើន អភិបាលខេត្តកំពង់ចាម និងលោក ចាំង វួចនីង តំណាង ស្ថានទូតចិនប្រចាំនៅកម្ពុជា បានអញ្ជើញជាគណ:អធិបតីសម្ពោធអគាសិក្សាថ្មី នៃសាលារៀន អ៊ាង ជ្រា ដែលមានការគាំទ្រឧបត្ថម្ភពីសមាគមខ្មែរ ចិន ខេត្តកំពង់ចាម សាខាផ្សារស្រែវាល ស្រុកស្ទឹងត្រង់ សម្រាប់ទុកឲ្យកូនខ្មែរស្វែងយល់ចំណេះដឹងនិងពង្រឹងនូវភាសាបន្ថែមទៀត។ ប្រជាពលរដ្ឋដែលរស់នៅក្នុងភូមិស្រែវាល ឃុំមេជ្រៃសរ ស្រុកស្ទឹងត្រង់ បានសម្តែងភាពសប្បាយរីករាយដែលនៅក្នុហភូមិរបស់គាត់ជាតំបន់មួយឆ្ងាយពីទីរួមស្រុកផង ហើយបែបជាមានសាលាបង្រៀនភាសាចិនសម្រាប់ក្មេងៗភូមិអាចសិក្សាភាសាបន្ថែមគឺភាសាចិនដែលសព្វប្រទេសជាតិមានទំនាក់ទំនងល្អទាំងគ្រប់វិស័យដែលបានជួយអភិវឌ្ឍន៍ឲ្យកម្ពុជាមានការរីកចម្រើនជាបន្តបន្ទាប់ ។
ឯកឧត្តម គួច ចំរើន អភិបាលខេត្តកំពង់ចាមលើកឡើងថា ការអភិវឌ្ឍន៍ការរីកចម្រើនដោយមានកិច្ចសហការជាមហាមិត្តចិនដែលបានខិតខំប្រឹងប្រែងជួយកម្ពុជាទាំងហេដ្ឋារចនាសម្ពន្ធ័ជាច្រើនដូចជា ស្ពាន ផ្លូវថ្នល់ និងបានសហប្រតិត្តិការយ៉ាងល្អប្រសើរជាមួយពលរដ្ឋកម្ពុជាដើម្បីកាត់បន្ថយភាពក្រីក្រលើវិស័យឧស្សាហ៍កម្ម សិប្បកម្ម ហើយនៅពេលនេះក្នុងខេត្តកំពង់ចាមមានចាប់ផ្តើមនូវការចំណេះដឹងដោយបង្កើតជាសាលារៀនភាសាចិន ដែលចំណាយថវិកាជិត១០ម៊ឺនដុល្លារសហរដ្ឋអាមេរិច ដល់កូនក្មួយនៅក្នុងស្រុកស្ទឹងត្រង់ព្រោះសាលារៀនមួយនេះបានបាត់បង់តាំងពីមានសង្គ្រាម ដោយក្រោមការដឹកនាំរបស់សម្តេចតេជោ ហ៊ុន សែន បានដឹកនាំនាវាមួយនេះឲ្យមានវិវត្តន៍រីកចម្រើនអភិវឌ្ឍន៍ដោយបណ្តុះស្មារតីក្មេងឲ្យយកចំណេះដឹងនូវភាសាបន្ថែមទៀត។
ឯកឧត្តម គួច ចំរើន បានបញ្ជាក់បន្ថែមទៀតថា ភាសាគឺមានសារសំខាន់ណាស់សប្រាប់ថ្ងៃអនាគត ហើយខេត្តកំពង់ចាមពិតជាមានការអភិវឌ្ឍន៍ដោយនៅតំបន់ស្រែវាលក្នុងស្រុកស្ទឹងត្រង់ មានសាលាភាសាចិនដែលមានសមាគមន៍ចិនខ្មែរបានគាំទ្រជួយឧបត្តម្ភនេះជាមោទនភាពអ្នកភូមិស្រុកស្ទឹងត្រង់ ហើយឯកឧត្តមបានអំពាវនាវដល់ពលរដ្ឋគ្រប់រូបដែលមានសិទ្ធិបោះឆ្នោតត្រូវធ្វើចូលរួមឲ្យបានគ្រប់ៗគ្នាក្នុងជ្រើសរើសតំណាងរាស្ត្រដូចបច្ចប្បន្នដែលបានដឹកនាំប្រទេសកម្ពុជាឈានទៅការអភិវឌ្ឍន៍ សន្តិភាព ស្ថេរភាព និងការរីកចម្រើន៕
ប្រភពព័ត៌មាន រដ្ឋបាលខេត្តកំពង់ចាម (ថ្ងៃទី២៥ ខែ មិថុនា ឆ្នាំ២០១៨)