ព្រឹកថ្ងៃអាទិត្យ ៥កើត ខែបឋមាសាឍ ឆ្នាំច សំរឹទ្ធិសក័ ព.ស២៥៦២ មានរៀបចំពិធីបើកការដ្ឋានស្ពានបេតុង ប្រវែង ៣៦ម៉ែត្រ ទទឹង ៨ម៉ែត្រ នៅក្នុងឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំងក្រោមអធិបតីភាព ឯកឧត្តម អ៊ិន ចន្ថា រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ។ មានវត្តមានក្នុងពិធីនោះរួមមាន៖ លោកជំទាវ ប៉ាល់ យឿន អភិបាលរងខេត្ត លោកលី សុភា ប្រធានមន្ទីរសុរិយោដីខេត្ត កម្មការនីចំនួន ១៧៨៧នាក់ និងក្រុមការងារថ្នាក់កណ្តាល ថ្នាក់ខេត្ត ថ្នាក់ស្រុកនិងឃុំជាច្រើនរូបផងដែរ។ នេះជាសេចក្តីរីករាយថ្មីមួយទៀតសម្រាប់ប្រជាពលរដ្ឋដែលទន្ទឹងរង់ចាំរយៈពេលជាយូរមកហេីយសម្រាប់ការជួសជុលស្ពានរលាំងនាគដែលជាស្ពានឆ្លងស្ទឹងក្រាំងពន្លៃរវាងស្រុកសាមគ្គីមានជ័យ ខេត្តកំពង់ឆ្នាំង និងស្រុកថ្ពង ខេត្តកំពង់ស្ពឺ។
ប្រភពព័ត៌មាន: រដ្ឋបាលខេត្តកំពង់ឆ្នាំង