ព្រឹកថ្ងៃ អាទិត្យ ៥កើត ខែបឋមសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៧ ខែមិថុនា ឆ្នាំ២០១៧ លោក ហឿង សុគន្ធ អភិបាលរង នៃគណៈអភិបាលខេត្តបាត់ដំបង បានអញ្ជើញចូលរួមក្នងទិវាយោគៈអន្តរជាតិ លើកទី៤ (International day of Yoga ) ដែលរៀបចំឡើងដោយស្ថានទូតនៃសាធារណរដ្ឋឥណ្ឌាប្រចាំព្រះរាជាណាកកម្ពុជា និងមានការសហការជាមួយក្រសួងទេសចរណ៍ ក្រសួងអប់រំ យុវជន និងកីឡា និងរដ្ឋបាលខេត្តបាត់ដំបង នៅបរិវេណមុខអគារបុរាណ សាលាខេត្តបាត់ដំបង ។ ទិវានេះក៏មានការអញ្ជើញចូលរួមពីតំណាងក្រសួងទេសចរណ៍ តំណាងក្រសួងអប់រំ យុវជន និងកីឡា និងតំណាង ដោយស្ថានទូតនៃសាធារណរដ្ឋឥណ្ឌាចាំព្រះរាជាណាកកម្ពុជា ព្រមទាំង លោកគ្រូ អ្នកគ្រូ សិស្សនិស្សិត យុវជន សសយក យុវជនអ.ម.ត ព្រមទាំងប្រជាពលរដ្ឋ សរុបជាង៣០០នាក់ ។ គោលបំណងនៃការរៀបចំកម្មវិធីនេះឡើងគឺដើម្បី ផ្សព្វផ្សាយពីការធ្វើលំហាត់ប្រាណសមាធិទាំងផ្លូវកាយ ផ្លូវចិត្ត និងសម្រួលចលនាសាច់ដុំ ចលនាសរសៃឈាមឲ្យស្រួលសម្រាប់សុខភាពរាងកាយរបស់យើងទាំងអស់គ្នា ។
ប្រភពព័ត៌មាន: រដ្ឋបាលខេត្តបាត់ដំបង (ថ្ងៃទី ១៧ ខែមិនថុនា ឆ្នាំ២០១៨)