ថ្ងៃសៅរ៍ ៤ កើត ខែបឋមសាធ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១៦ ខែមិថុនា ឆ្នាំ២០១៨ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានគណៈកម្មាធិការសាខា រួមដំណើរដោយសមាជិកគណៈកម្មាធិការសាខា នាយក នាយករងសាខាក្រុមប្រតិបត្តិសាខា ក្រុមការងារអនុសាខាស្រុកស្រែអំបិល យុវជនកក្រក រួមនឹងអជ្ញាមូលដ្ឋាន បានសហការគ្នានាំយកអំណោយមុនស្សធម៏ ចែកជូនគ្រួសារដែលរងគ្រោះដោយសារខ្យល់កន្ត្រាក់ចំនួន ៣០ គ្រួសារ នៅភូមិត្រពាំងកណ្តោល ១៨ គ្រួសារ (រលំទាំងស្រុង ០៣ គ្រួសារ) ភូមិដងពែង ១១ គ្រួសារ ភូមិតាធង ០១ គ្រួសារ ឃុំដងពែង ស្រុកស្រែអំបិល ខេត្តកោះកុង ។ ឆ្លៀតក្នុងឱកាសនោះលោកជំទាវ មិថុនា ភូថង ប្រធានគណៈកម្មាធិការសាខា បានពាំនាំប្រាសាសន៏ផ្តាំផ្ញើពីសំណាក់ សម្តេចកិត្តិព្រឹទ្ធបណ្ឌិត ប៊ុន រានីហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាល សម្តេចតែងតែធ្វើការណែនាំ ដល់គ្រប់សាខាទាំងអស់នៅទូទាំងប្រទេស ត្រូវចុះពិនិត្យជាក់ស្តែង និងធ្វើការឆ្លើយតបភ្លាមៗ ដើម្បីយកជំនួយ ជូនដល់ប្រជាពលរដ្ឋរងគ្រោះអោយបានទាន់ពេលវេលា បើទោះបីសម្ភារៈដែលបានចែកជូនមិនអាចឆ្លើយតបទៅតាមទំហំនៃការខូចខាតក៏ពិតមែន តែជាការចែករំលែកនូវពេលជួបគ្រោះមហន្តរាយផ្សេងៗ ជំនួយ និងសម្ភារៈទាំងនេះគឺបានមកពីសប្បុរសជនទូទាំងខេត្ត និងក្រៅខេត្តដែលបានឧបត្ថម្ភ និងចូលរួមសោកស្តាយចំពោះគ្រោះមហន្តរាយមួយនេះដែលបានកើតឡើង ចំពោះបងប្អូន៕ #កោះកុង #រដ្ឋបាលខេត្តកោះកុង #