ថ្ងៃសុក្រ ៣កើត ខែបឋមាសាធ ឆ្នាំច សំរឹទ្ធិស័ក ព.ស ត្រូវនឹងថ្ងៃទី១៥ ខែមិថុនា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និង ឯកឧត្តម នាយឧត្តមសេនីយ៍ ឈន សារ៉ាណេ អគ្គនាយករងនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ព្រមទាំង ឯកឧត្តម អភិបាលរងខេត្ត លោកប្រធានមន្ទីរ ពាក់ព័ន្ធ ចុះពិនិត្យមើលផ្លូវ តាមបណ្តាលស្រុក ដូចជា៖ ១-ការងារស្ថាបនាផ្លូវក្រាលក្រួសក្រហម ប្រវែង ២២គម ឆ្លងកាត់១៣ភូមិ ស្ថិតនៅក្នុងឃុំជ្រៃ ឃុំអង្គរទ្រេត និងឃុំពានរោង ស្រុកស្វាយអន្ទរ ២-ការងារស្ថាបនាផ្លូវក្រាលក្រួសក្រហម ប្រវែង ១៦គម ស្ថិតនៅក្នុងឃុំដូនកឹង ទៅដល់ឃុំស៊ាងឃ្វាង ស្រុកកំចាយមារ ៣-ពិនិត្យគម្រោងដែលជាអនុសាសន៍សម្តេចក្រឡាហោម ក្នុងការភ្ជាប់ផ្លូវពី ឃុំជ្រៃ ឃុំសំរោង ទៅភូមិបារាយណ៍កើត សង្កាត់បារាយណ៍ ក្រុងព្រៃវែង មានប្រវែង១៤,៥០០ម និងស្ថាបនាស្ពានបេតុងមួយកន្លែងប្រវែង១៥០ម សិក្សាជាក់ស្តែង។
