លោកជំទាវ មិថុនា ភូថង អញ្ជើញស្វាគមន៍ប្រតិភូក្រសួងពាណិជ្ជកម្ម ក្នុងកិច្ចប្រជុំពិភាក្សាការងារ ស្តីពីការកាត់ទីតាំងដីចេញពីបញ្ជីសារពើភណ្ឌទ្រព្យសម្បត្តិរដ្ឋ ដែលមានទីតាំងភូមិ១ សង្កាត់ដងទង់ ក្រុងខេមរភូមិ
ថ្ងៃអង្គារ ៧ រោច ខែជេស្ឋ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៥ ខែមិថុនា ឆ្នាំ២០១៨ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អញ្ជើញស្វាគមន៍ប្រតិភូក្រសួងពាណិជ្ជកម្ម ក្នុងកិច្ចប្រជុំពិភាក្សាការងារ ស្តីពីការកាត់ទីតាំងដីចេញពីបញ្ជីសារពើភណ្ឌទ្រព្យសម្បត្តិរដ្ឋ ដែលមានទីតាំងភូមិ១ សង្កាត់ដងទង់ ក្រុងខេមរភូមិ ដើម្បីប្រគល់ជូនប្រជាពលរដ្ឋកំពុងស្នាក់នៅ និងអាស្រ័យផល ចំនួន ០៤ គ្រួសារ។ លោកជំទាវ អភិបាលខេត្ត បានមានប្រសាសន៍ ថ្លែងអំណរគុណ ដល់ថ្នាក់ដឹកនាំទាំងអស់ ជាពិសេសសម្តេចតេជោ ដែលសម្តេច បានឯកភាព សម្រេចផ្តល់ដី ជាកម្មសិទ្ធជូនប្រជាពលរដ្ឋ ដែលបានកំពុងស្នាក់នៅ និងអាស្រ័យផល នៅក្នុងដី របស់មន្ទីរពាណិជ្ជកម្មខេត្តកោះកុង ទុកជាកម្មសិទ្ធស្របច្បាប់របស់បងប្អូន៕ #កោះកុង #រដ្ឋបាលខេត្តកោះកុង #
