ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំងបាអំពាវនាវបែបនេះនាព្រឹកថ្ងៃសៅរ៍ ១២កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងទី២៦ ខែឧសភា ឆ្នាំ២០១៨ ក្នុងពិធីជួបសំណេះសំណាលនិងនាំយកមុងជ្រលក់ថ្នាំបង្ការជំងឺគ្រុនចាញ់ និង គ្រុនឈាមចែកជូនប្រជាពលរដ្ឋ៥.៨៦៣គ្រួសារក្នុងមួយគ្រួសារៗទទួលបានមុង១នៅឃុំត្រពាំងចាន់ស្រុកបរិបូណ៌ខេត្តកំពង់ឆ្នាំង។ ឯកឧត្តមឈួរ ច័ន្ទឌឿនមានប្រសាសន៍បន្តថាៈ ថ្វីត្បិតតែជំងឺដ៏កាចសាហាវនេះ បានសម្លាប់ប្រជាពលរដ្ឋរៀងរាល់ឆ្នាំ តែយើងអាចការពារបាន ដោយធ្វើយ៉ាងណាកុំអោយមូសខាំ ដែលជាវិធីពិសេសមានប្រសិទ្ធភាពនោះ គឺយើងត្រូវដេកក្នុងមុងជានិច្ច។ ករណីមានការសង្ស័យថាខ្លួនមានជំងឺគ្រុនចាញ់ត្រូវរួសរាន់ទៅមណ្ឌលសុខភាពឬមន្ទីរពេទ្យដែលនៅជិតបំផុត ដើម្បីទទួលបានការពិនិត្យព្យាបាលបានត្រឹមត្រូវនិងទាន់ពេលវេលា។ ឯកឧត្តមក៏បានផ្តាំផ្ញើដល់ប្រជាពលរដ្ឋសូមចូលរួមគោរពច្បាប់ចរាចរណ៍ បង្កើនមុខរបបក្នុងគ្រួសារ អប់រំកូនចៅអោយខិតខំរៀនសូត្រជៀសអោយឆ្ងាយពីគ្រឿងញៀននិងំពើអប្បាយមុខផ្សេងៗដែលសង្គមស្អប់ខ្ពើម។ ត្រូវរួមគ្នាថែរក្សាសន្តិភាពនិងអញ្ជើញទៅបោះឆ្នោតជ្រើសតាំងតំណាងរាស្រ្តនិតិកាលទី៦អោយបានគ្រប់ៗគ្នា ដើម្បីបំពេញកាតព្វកិច្ចជាពលរដ្ឋ៕ ប្រភពព័ត៌មាន: រដ្ឋបាលខេត្តកំពង់ឆ្នាំង (ថ្ងៃទី២៦ ខែឧសភា ឆ្នាំ២០១៨)