ព្រឹកថ្ងៃសុក្រ៤រោច ជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវថ្ងៃទី១៨ ខែឧសភា ឆ្នាំ២០១៨ នៅសាលប្រជុំរដ្ឋបាលសាលាស្រុកបរិបូណ៌បានរៀបចំកិច្ចប្រជុំសផ្សព្វផ្សាយផែនការយុទ្ធនាការ ប្រយុទ្ធប្រឆាំងគ្រឿងញៀនខុសច្បាប់លើកទី៣ ឆ្នាំ២០១៨ ក្រោមអធិបតីភាព លោក ឃួន សៅរុំ អភិបាលស្រុកបរិបូណ៌ លោក ឧត្តមសេនីយ៏ត្រី ជុន ថារិទ្ធ ស្នងការរងនគបាលខេត្តកំពង់ឆ្នាំង លោក ឡុង ណុំ សមាជិកក្រុមប្រឹក្សាស្រុក បរិបូណ៌ដែលមានការអញ្ជើញចូលរួម ពីលោកលោកស្រីប្រធានការិយាល័យនានាជុំវិញស្រុក អធិការរងទទួលបន្ទុកការងារប្រឆាំងគ្រឿងញៀនលោកមេឃុំគ្រប់ឃុំ ភូមិ នាយប៉ុស្តរដ្ឋបាលឃុំ នាយករងផ្នែកនិងមន្ត្រីនគបាលប្រឆាំងគ្រឿងញៀន ប្រជាការពារភូមិ លោកនាយកសាលា លោក លោកស្រីម្ចាស់សណ្ឋានឡាយ ផ្ទះសំណាក់ ផ្ទះជួល ក្លឹបកំសាន្ដ ខារ៉ាអូខេ ភោាជនីយដ្ឋាន អាហារដ្ឋានសរុប២៣៥នាក់។ ក្នុងគោលការណ៍រួម ខុសច្បាប់លើកទី៣ ដើម្បីបន្តចាត់តាំងអនុវត្តឲ្យកាន់តែមានប្រសិទ្ធិភាព នូវបទបញ្ជាលេច០១ ប.បចុះថ្ងៃទី០១/០២/២០១៨របស់រាជរដ្ឋាភិបាល ស្តីពីការពង្រឹងវិធានការប្រយុទ្ធប្រឆាំងគ្រឿងញៀន។ ដើម្បីចាត់តាំងអនុវត្តយុទ្ធនាការការងារប្រយុទ្ធប្រឆាំងគ្រឿងញៀន ដោយផ្អែកលើផែនការណ៍រួម និង វិធានការទាំង០៥ របស់គណៈកម្មកាត្រួតពិនិត្យគ្រឿងញៀនខេត្តកំពង់ឆ្នាំង ដែលបានចាត់តាំងអនុវត្តក្នុងប្រយុទ្ធប្រឆាំងគ្រឿងញៀនខុសច្បាប់លើកទី១និងលើកទី២ និង បន្តពង្រឹងយន្តការដែលមានស្រាប់ ក្នុងផែនការយុទ្ធនាការប្រយុទ្ធប្រឆាំងគ្រឿងញៀនលើក១ លើកទ២ ដើម្បីប្រើប្រាស់ជាយន្តកាសម្រាប់អនុវត្តផែនការប្រយុទ្ធប្រឆាំងគ្រឿងញៀនខុសច្បាប់លើកទី៣ឆ្នាំ២០១៨។ ប្រភពព័ត៌មាន: រដ្ឋបាលខេត្តកំពង់ឆ្នាំង (ថ្ងៃទី១៨ ខែឧសភា ឆ្នាំ២០១៨)
