ព្រឹកថ្ងៃព្រហស្បតិ៍១១រោច ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែឧសភា ឆ្នាំ២០១៨ ឯកឧត្តម ប៉ែន សំបូ ទីប្រឹក្សាផ្ទាល់សម្ដេចចៅហ្វាវាំងតំណាងដ៏ខ្ពង់ខ្ពស់របស់របស់សម្ដច គង់ សំអុល ឧបនាយករដ្ឋមន្ត្រី រដ្ឋមន្រ្តីក្រសួងព្រះបរមព្រះរាជវាំង ឯត្តឧត្តម អៀង វុធ អភិបាលរងខេត្តកំពង់ឆ្នាំង ជាតំណាងដ៏ខ្ពង់ខ្ពស់របស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញចុះជួបសំណេះសំណាល ជាមួយប្រជាពលរដ្ឋចំនួន៣៥៨គ្រួសារ មកពី៧ឃុំក្នងស្រុកបរិបូណ៌ ក្នុងពិធីចែកពូជស្រូវសែនក្រអូប ជូនកសិករ នៅភូមិទទួលពោធិ៍ ឃុំពពេល ស្រុកបរិបូណ៌ ខេត្តកំពង់ឆ្នាំង។ ដែលក្នុងពិធីនោះ ក៏មានការអញ្ជើញចូលរួមពីលោកងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទ លោកដោក ប៊ុនថុន ប្រធានមន្ទីរធនធានទឹក និងឧតុនិយមខេត្ត លោកសូ សារ៉េត ប្រធានក្រុមប្រឹក្សាស្រុក លោក ឃួន សៅរុំ អភិបាលស្រុក អភិបាលរងស្រុក មន្ត្រីរាជកាជុំវិសាលាស្រុកនិង ប្រជាពលរដ្ឋ៣៥៨គ្រួសារ។ លោកប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានឲ្យដឹងថា៖ ពូជស្រូវសែនក្រអូបរបស់មន្ទីរកសិកម្ម ដែលបានយកទៅចែកជូនប្រជាកសិករមកពី៧ឃុំក្នុងស្រុកបរិបូណ៌ ចំនួន៣៥៨គ្រួសារនាថ្ងៃនេះគឺមានចំនួន១០តោន។
