នៅរសៀលថ្ងៃពុធ ១០រោច ខែពិសាខ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី០៩ ខែឧសភា ឆ្នាំ២០១៨ ឯកឧត្តម វ៉ី សំណាង អភិបាល នៃគណៈអភិបាលខេត្ត បានដឹកនាំក្រុមការងារចុះត្រួតពិនិត្យជាក់ស្តែង នៅសាលាបឋមអង្គពោធិ៍ ស្ថិតនៅឃុំស្គុះ ស្រុកសំរោងទង ដែលរងផលប៉ះពាល់ដោយសារខ្យល់កន្ដ្រាក់ បណ្ដាលឱ្យរលំដើមករកោះ បាក់លើដំបូលសាលារៀន០១ខ្នង មាន ០៤បន្ទប់ បណ្តាលឱ្យ ខូចខាតបន្ទប់រៀន០១បន្ទប់ ខូចខាតបង់អង្គុយ០១ និងខូចកង់សិស្សចំនួន០២គ្រឿង(០១គ្រឿងមិន អាចជួសជុលបានទេ) ។ នាឱកាសនោះដែរឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ ក៏បានសំណោះសំណាលជាមួយក្មួយៗសិស្សានុសិស្ស លោកគ្រូ អ្នកគ្រូ លោកនាយកសាលា និងបានផ្ដល់នូវថវិកាមួយចំនួនសម្រាប់ជួសជុលនិងសម្អាតអគារនេះឡើងវិញ ដើម្បីឱ្យក្មួយៗសិស្សានុសិស្ស ឆាប់បានចូលរៀនសូត្រឡើងវិញ ៕ ប្រភពព័ត៌មាន: រដ្ឋបាលខេត្តកំពង់ស្ពឺ (ថ្ងៃទី០៩ ខែឧសភា ឆ្នាំ២០១៨)