រដ្ឋបាលខេត្តក្រចេះ សូមជម្រាបជូនដំណឹងដល់សាធារណជន ពិសេសបងប្អូនប្រជាពលរដ្ឋដែលរស់នៅតាមបណ្តាយដងព្រែកទេរ ក្នុងភូមិសាស្ត្រខេត្តក្រចេះ ដោយប៉ុន្មានថ្ងៃមកនេះ នៅភូមិស្រែនន និងភូមិអាលច ឃុំកន្ទួត ស្រុកចិត្របុរី ខេត្តក្រចេះ កើតមានករណីផ្ទុះជំងឺដែលមានអការៈ ឈឺពោះ ក្អួតចង្អោ ឈឺក អស់កម្លាំង ទន់ដៃជើង វិលមុខ ថប់ដង្ហើម សន្លប់ រួចបណ្តាលឲ្យស្លាប់មួយចំនួន ទន្ទឹមនឹងការជួយអន្តរាគមន៍សង្គ្រោះបន្ទាន់ ។

អាជ្ញាធរខេត្ត បានរៀបចំការផ្គត់ផ្គង់ទឹកប្រើប្រាស់ និងទឹកបរិភោគសម្រាប់ផ្តល់ជូនប្រជាពលរដ្ឋនៅចំនុចភូមិឧបសម្ព័ន្ធទេរចម្លង នៃភូមិស្រែនន និងភូមិអាលច ឃុំកន្ទួត ។

ប្រភពព័ត៌មាន: រដ្ឋបាលខេត្តក្រចេះ (ថ្ងៃទី០៦ ខែឧសភា ឆ្នាំ២០១៨)