ថ្ងៃអាទិត្យ ៧រោច ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៦ ខែឧសភា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ បានចូលរួមជាកិត្តិយស ក្នុងពិធីបុណ្យបួងសួងសូមសេចក្តីសុខ ជូនប្រជាពលរដ្ឋក្នុងខេត្តព្រៃវែង និងកម្មវិធីផលិតទូក ង វែងជាងគេ ដើម្បីបំបែកឯកទគ្គកម្មពិភពលោក និងបាននិមន្តសម្តេច ព្រះរាជាគណៈ មន្ត្រីសង្ឃចំនួន៨៨ព្រះអង្គ គោចរបិណ្ឌបាត្រ ស្ថិតក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តី ក្រសួងមហាផ្ទៃ និងលោកជំទាវ ។ ក្នុងឱកាសនេះដែរក៏មានការចូលរួមពី ឯកឧត្តម លោកជំទាវ សមាជិករដ្ឋសភា ព្រឹទ្ធសភា រាជរដ្ឋាភិបាល រដ្ឋលេខាធិការ អនុរដ្ឋលេខាធិការ ក្រសួងនានា អគ្គស្នងការរងនគរបាលជាតិ ប្រធាន សមាជិកក្រុមប្រឹក្សាខេត្ត អភិបាលខេត្តកំពង់ចាម អភិបាលខេត្តត្បូងឃ្មុំ អភិបាលខេត្តស្វាយរៀង អភិបាលខេត្តកណ្តាល អភិបាលរងខេត្ត លោក លោកស្រី ប្រធានមន្ទីរ ជុំវិញខេត្ត និងកងកម្លាំងទាំងបី អភិបាលក្រុង/ស្រុក និងលោកយាយលោកតា លោកគ្រូ អ្នកគ្រូ យុវជនកាកបាទក្រហម យុវជនកាយប្ញទ្ធិ និងប្រជាពលរដ្ឋ ។ ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី០៦ ខែឧសភាឆ្នាំ២០១៨)
