អភិបាលខេត្តមណ្ឌលគិរី អញ្ជើញទទួលអំណោយជាកាហ្វេ ពីសប្បុរសជន
ខេត្តមណ្ឌលគិរី៖ នៅព្រឹកថ្ងៃទី៦ ខែមេសា ឆ្នាំ២០២១នេះ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី និងលោក ជាក់ ម៉េងហ៊ាង អភិបាលរងខេត្ត បានទទួលកាហ្វេ ចាយ ម៉ៅ មណ្ឌលគិរីចំនួន ៥កេះធំ ពីលោក ចាយ ម៉ៅ និងភរិយា។
នាឱកាសនោះ ឯកឧត្តម អភិបាល នៃគណៈអភិបាលខេត្ត បានថ្លែងអំគុណចំពោះ លោក ចាយ ម៉ៅ និងភរិយា ដែលបានឧបត្ថម្ភ កាហ្វេ ចាយ ម៉ៅ មណ្ឌលគិរី ដល់រដ្ឋបាលខេត្ត ដើម្បីបែងចែកជូនមន្រ្តីសុខាភិបាល ដែលកំពុងធ្វើការចាក់វ៉ាសាំងជូនមន្រ្តីរាជការលើកទី២ នៅក្នុងបរិវេណសាលាខេត្តមណ្ឌលគិរី។
បន្ទាប់មកឯកឧត្តម បានជូនពរដល់លោក ចាយ ម៉ៅ និងភរិយា ព្រមទាំងក្រុមគ្រួសារ សូមទទួលបាននូវសុខភាពល្អ ជោគជ័យគ្រប់ភារកិច្ច និងទទួលបាននូវពុទ្ធពរទាំងបួនប្រការគឺៈ អាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ៕
ប្រភព៖ រដ្ឋបាលខេត្តមណ្ឌលគិរី
