ភ្លើងស្តុប បង្កើតថ្មី ក្នុងទឹកដីខេត្តកំពង់ស្ពឺ លើផ្លូវជាតិលេខ ០៤ ចាប់ផ្តើមអនុវត្ត វិធានការអប់រំ និងផាកពិន័យ
ព្រឹកថ្ងៃសុក្រ ៥រោច ខែពិសាខ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី៤ ខែឧសភា ឆ្នាំ២០១៨ នៅចំណុចគោលដៅភ្លើងស្ដុប លើផ្លូវជាតិលេខ៤ មុខមន្ទីរសាធារណៈការ ស្ថិតនៅភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ សមត្ថកិច្ចនគរបាលចរាចរណ៍បានចុះត្រួតពិនិត្យយានយន្ដបើកបរល្មើសភ្លើងស្ដុប ដោយពិនិត្យឃើញប្រជាពលរដ្ឋ ជាអ្នកបញ្ជាយានយន្ដមួយចំនួនតូច គោរពភ្លើងសញ្ញាចរាចរណ៍នៅមានកម្រឹត សមត្ថកិច្ចបានធ្វើការឃាត់អប់រំ ណែនាំជាលើកទី១ « បញ្ហាភ្លើងស្តុប » ក្នុងនាម សមត្ថកិច្ចសំណូមពរ សូមអោយអ្នកបើកបរយានយន្ដទាំងអស់ មេត្តាចូលរួមគោរពច្បាប់ចរាចរណ៍ទាំងអស់គ្នា ដើម្បីសុវត្ថិភាពអ្នកនិងអ្នកដទៃ៕
ប្រភពព័ត៌មាន: រដ្ឋបាលខេត្តកំពង់ស្ពឺ (ថ្ងៃទី០៤ ខែឧសភា ឆ្នាំ២០១៨)
