អភិបាលខេត្តបន្ទាយមានជ័យ ចុះដឹកនាំជួយជួសជុល និងរៀបចំផ្ទះសម្បែកឡើងវិញជូនដល់បងប្អូនប្រជាពលរដ្ឋ ៧គ្រួសារ ដែលទទួលរងគ្រោះដោយសារខ្យល់កន្ត្រាក់ នៅឃុំគោកឋិន ស្រុកថ្មពួក
ព្រឹកថ្ងៃទី១ ខែមេសា ឆ្នាំ២០២១នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក គឹង វណ្ណៈ អភិបាលរងខេត្ត អាជ្ញាធរស្រុក កងកម្លាំងប្រដាប់អាវុធ យុវជន បានអញ្ជើញចុះប្រតិបត្តិការជួសជុល រៀបចំផ្ទះសម្បែងរងការខូចខាតទាំងអស់ឡើង ដើម្បីបងប្អូនមានកន្លែងរស់ឡើងវិញ។
ដោយមើលឃើញផ្ទះ១គ្រួសារ រងគ្រោះខូចខាតធ្ងន់ធ្ងរ ត្រូវចំណាយថ្លៃទិញសរសរ ឈើ ថ្លៃជាងស្ទួចរៀបចំឡើងវិញ ឯកឧត្តមបានចូលរួមឧបត្ថម្ភថវិកាមួយចំនួនផងដែរ៕
ប្រភព៖ រដ្ឋបាលខេត្តបន្ទាយមានជ័យ
