នាព្រឹកថ្ងៃព្រហស្បតិ៍ ៤រោច ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី០៣ ខែឧសភា ឆ្នាំ២០១៨ នៅភូមិអង្គ ឃុំក្រាំងយ៉ូវ ស្រុកស្អាង ខេត្តកណ្តាល មានរៀបចំពិធីបើកការដ្ឋានសាងសង់ផ្លូវបេតុងប្រវែង២៨៣០ ម៉ែត្រ ក្រោមអធិបតីភាពភាព ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល។ សមាសភាពអញ្ជើញចូលរួម មាន៖ ឯកឧត្តម លោកជំទាវ សមាជិក សមាជិកាក្រមប្រឹក្សាខេត្ត អភិបាលរងខេត្ត ប្រធាន អនុប្រធានមន្ទីរ ជុំវិញខេត្ត, គណៈអភិបាល ក្រុមប្រឹក្សាស្រុក, មន្ត្រីរាជការ កងកម្លាំងជុំវិញខេត្ត និងស្រុក មេឃុំ មន្ត្រីពាក់ព័ន្ធ និងប្រជាពលរដ្ឋ សរុបចំនួន ៥០០ នាក់។ *គួរបញ្ជាក់ដែរថាផ្លូវដែលត្រូវបើកការដ្ឋានសាងសង់នាឱកាសនេះ មានប្រវែង២៨៣០ ម៉ែត្រ ឆ្លងកាត់៦ ភូមិនៃឃុំក្រាំងយ៉ូវ ក្នុងនោះប្រវែង១០០០ទទឹង៥ ម៉ែត្រ ឆ្លងកាត់២ ភូមិ គឺភូមិចេកប្រវែង៥០០ ម៉ែត្រ និងភូមិអង្គ ប្រវែង៥០០ ម៉ែត្រ សាងសង់ដោយប្រើប្រាស់ថវិកាគុណប្រយោជន៍ឆ្នាំ២០១៨ របស់រដ្ឋបាលខេត្តកណ្តាល ហើយផ្លូវប្រវែង១៨៣០ ម៉ែត្រ ទទឹង៤,៥ ម៉ែត្រ ឆ្លងកាត់៤ភូមិ គឺភូមិអណ្តូងប្រវែង៣៦០ម៉ែត្រ ភូមិអំពិលលាស់៤០០ ម៉ែត្រ ភូមិវិហារ និងភូមិពីងពុងមានប្រវែង១០៧០ ម៉ែត្រ សាងសង់ដោយប្រើប្រាស់ថវិការបស់មន្ទីរអភិវឌ្ឍជនបទខេត្ត។
*ក្នុងឱកាសនោះដែរ ឯ.ឧ អភិបាលខេត្ត បានឧបត្ថម្ភប្រជាពលរដ្ឋអញ្ជើញចូលរួមចំនួន៥០០ នាក់ ក្នុងម្នាក់ៗទទួលបានថវិកា ចំនួន ១ ម៉ឺនរៀល។
ប្រភពព័ត៌មាន: រដ្ឋបាលខេត្តកណ្តាល (ថ្ងៃទី០៣ ខែឧសភា ឆ្នាំ២០១៨)