ថ្ងៃពុធ ៣ រោច ខែពិសាខ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២ ខែឧសភា ឆ្នាំ២០១៨ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានគណៈបញ្ជាការឯកភាពខេត្តកោះកុង បានអញ្ជើញ ស្វាគមន៍ ឯកឧត្តម ឧត្តមសេនីយ៍ឯក បណ្ឌិត យឿង សុខុន មេបញ្ជាការរងកងទ័ពជើងគោក ជាមេបញ្ជាការយោធភូមិភាគទី៣ ក្នុងពិធីបើកវគ្គហ្វឹកហ្វឺនជំនាញព្រំដែនគោក របស់កងវរសេនាតូចលេខ៣ នៃតំបន់ប្រតិបត្តិការសឹករងកោះកុង ឆ្នាំ២០១៨។ លោកជំទាវ បានថ្លែងអំណរគុណ ដល់ ឯកឧត្តម លោកជំទាវ លោក លោកស្រី ដែលបានជួយគាំទ្រ អោយមានវគ្គហ្វឹកហ្វឺនជំនាញព្រំដែនគោក របស់កងវរសេនាតូចលេខ៣ នៃតំបន់ប្រតិបត្តិការសឹករងកោះកុង ឆ្នាំ២០១៨នាពេលនេះ សូមអោយកម្មសិក្សាការីទាំងអស់យកចិត្តទុកដាក់ខ្ពស់ និងគោរពវិន័យវគ្គបណ្តុះបណ្តាលអោយបានខ្ជាប់ខ្ជួន ព្រមទាំងក្រេបយកចំណេះដឹងល្អៗ និងថ្មីៗ ពីគ្រូឧទ្ទេស ដែលមានជំនាញពិតប្រាកដ សម្រាប់ការងារបម្រើជាតិមាតុភូមិ និងការការពារបូរណភាពទឹកដី ជាពិសេសនៅតាមបន្ទាត់ព្រំដែនកម្ពុជា ថៃ ដែលកងកម្លាំងទាំងអស់ពិតជាបានលៈបង់សាច់ស្រស់ ឈាមស្រស់ ដើម្បីការពារទឹកដី ទើបប្រទេសជាតិ មានសុខសន្តិភាព និងស្ថិរភាពនយោបាយ ហើយមានឱកាសអភិវឌ្ឍប្រជាតិ លើគ្រប់វិស័យ ជាពិសេសយោធា ព្រំដែនកម្ពុជា ថៃ ពិតជាមានកិច្ចសហការ និងទំនាក់ទំនងល្អ ជាប្រចាំៗផងដែរ៕
ប្រភពព័ត៌មាន: រដ្ឋបាលខេត្តកោះកុង (ថ្ងៃទី០២ ខែឧសភា ឆ្នាំ២០១៨)