នាព្រឹកថ្ងៃអង្គារ ២រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែឧសភា ឆ្នាំ២០១៨ ឯ.ឧ. ម៉ៅ ភិរុណ អភិបាលនៃគណ:អភិបាលខេត្តកណ្តាល បានអញ្ជើញជាអធិបតីក្នុងពិធីអបអរសាទរខួបអនុស្សារីយ៍លើកទី១៣២ ទិវាពលកម្មអន្តរជាតិ០១ ឧសភា ២០១៨ ក្រោមប្រធានបទ "សន្តិភាព ស្ថិរភាព ដើម្បីការងារ និងមុខរបរ" ស្រុកកោះធំ ។ សមាសភាពចូលរួម មាន៖ ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោក លោកស្រី ប្រធានមន្ទីរ
-អង្គភាព ជុំវិញខេត្ត មន្ត្រីពាក់ព័ន្ធ និងបងប្អូនកម្មករ កម្មការនី សរុបអ្នកចូលរួមជាង ៨៥០នាក់ (កម្មករ កម្មការនីចំនួន ៨០០នាក់)។
*នាឱកាសនោះ ឯកឧត្តម បានគូសបញ្ជាក់នូវការអភិវឌ្ឍន៍រីកចម្រើនលើគ្រប់វិស័យទាំងផ្នែករឹង និងផ្នែកទន់ ការកើនឡើងនូវកំណើនសេដ្ឋកិច្ច និងកំណើនការងារ ប្រកបដោយចីរភាព ការផ្តល់អត្ថប្រយោជន៍ និងកិច្ចគាំពារនានារបស់រាជរដ្ឋាភិបាលចំពោះកម្មករ កម្មការនី ។
ជាមួយគ្នានេះ ឯឧ ក៏បានបញ្ជាក់ថា សមិទ្ធផលនានា ការរីកច្រើន និងអត្ថប្រយោជន៍ ទាំងនេះ កើតមានដោយសារប្រទេសយើង មានសុខសន្តិភាព និងស្ថិរភាពនយោបាយ ដែលកើតចេញពីនយោបាយ ឈ្នះ
-ឈ្នះ និងការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
*បន្ថែមពីលើនេះ ឯកឧត្តមក៏បានណែនាំដល់ និងអាជ្ញាធរដែនដី ក៏ដូចជាបងប្អូនកម្មករ កម្មការនី ដូចខាងក្រោម៖
+ចូលរួមថែរក្សានូវសន្តិភាពដែលបានមកក្រោមនយោបាយឈ្នះឈ្នះរបស់សម្តេចអគ្គមហាសេនាបតីតេជោហ៊ុន សែន ដែលធ្វើអោយប្រទេសមានការអភិវឌ្ឍលើគ្រប់វិស័យ ពោល មានសន្តិភាព មានការអភិវឌ្ឍ។
+ផ្តាំផ្ញើដល់បងប្អូនទាំងអស់ ត្រូវចូលរួមគោរពច្បាប់ចរាចរណ៍ ទាំងអស់គ្នា ដើម្បីកាត់បន្តយនូវគ្រោះថ្នាក់ផ្សេងៗ។
+ផ្តាំផ្ញើដល់អ្នកចូលរួមទាំងអស់ ត្រូវនៅអោយឆ្ងាយពីគ្រឿងញៀន ហើយអាជ្ញាធរមានសមត្ថកិច្ច ត្រូវពង្រឹងនូវការប្រយុទ្ធប្រឆាំងគ្រឿងញៀន តាមរយៈវិធានការអប់រំ រដ្ឋបាល និងវិធានការច្បាប់ អោយបានមុឺងម៉ាត់ ដើម្បីអោយសហគមន៍របស់យើងគ្មានគ្រឿងញៀន និងសាងសុភមង្គលជូនគ្រួសារ និងសហគមន៍។
+ត្រូវអំពាវនាវឱ្យបងប្អូនទាំងអស់ត្រូវចូលរួមថែរក្សាសន្តិភាពអោយបានស្ថិតស្ថេរ និងត្រូវទៅចូលរួមបោះឆ្នោតជ្រើសតំណាងរាស្ត្រនីតិកាលទី៦ នៃរដ្ឋសភា នាថ្ងៃទី២៩ ខែកក្កដា ឆ្នាំ២០១៨ អោយបានគ្រប់ៗគ្នា ដើម្បីការពារសន្តិភាពដែលយើងមានរួចហើយ និងដើម្បីអភិវឌ្ឍន៍ភូមិ ឃុំ របស់យើងឱ្យមានការរីកចម្រើនជាបន្តបន្ទាប់ទៅទៀត។
*នៅចុងបញ្ចប់នៃពិធីនេះ ឯ.ឧ អភិបាលខេត្ត បានឧបត្ថម្ភដល់បងប្អូន កម្មករ កម្មការនី ដែលអញ្ជើញចូលរួមចំនួន៨០០ នាក់ ក្នុងម្នាក់ៗទទួលបានថវិកា ចំនួន ៥ មុឺនរៀល និងសារុងចំនួន ០១៕
ប្រភពព័ត៌មាន: រដ្ឋបាលខេត្តកណ្តាល (ថ្ងៃទី០១ ខែឧសភា ឆ្នាំ២០១៨)
