ឯកឧត្តម ជា សុមេធី បានអញ្ជើញចូលរួមជាអធិបតីក្នុងពិធី អបអរសាទរខួបអនុស្សាវរីយ៍លើកទី១៣២ ទិវាពលកម្មអន្តរជាតិ ១ ឧសភា ២០១៨ និងបាយសាមគ្គី
ព្រឹកថ្ងៃអង្គារ ២រោច ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១ ខែឧសភា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងឯកឧត្តម ស្បោង សារ៉ាត ប្រធានក្រុមប្រឹក្សាខេត្ត ឯកឧត្តម យុន ឈុន្នី អនុរដ្ឋលេខាធិការ ក្រសួងមហាផ្ទៃ បានចូលរួមជាអធិបតីក្នុងពិធី អបអរសាទរខួបអនុស្សាវរីយ៍លើកទី១៣២ ទិវាពលកម្មអន្តរជាតិ ១ ឧសភា ២០១៨ និងបាយសាមគ្គី ជាមួយបងប្អូនកម្មករនិយោជិកសហគ្រាស គ្រឹះស្ថាន ធានាគារ និងមីក្រូហិរញ្ញវត្ថុ ក្នុងខេត្ត និងមានការចាប់រង្វាន់ ដល់និយោជិកទទួលបានរង្វាន់គ្រប់ៗគ្នាផងដែរ។ ពិធីនេះ បានរៀបចំដោយមន្ទីរការងារ និងបណ្តុះបណ្តាលវិជ្ជាជីវៈខេត្តព្រៃវែង នៅស្រុកស្វាយអន្ទរ។ ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី០១ ខែឧសភា ឆ្នាំ២០១៨)
