រដ្ឋបាលខេត្តឧត្តរមានជ័យ ចេញសេចក្តីជូនដំណឹងបើកការទទួលពាក្យសុំសិទ្ធិប្រឡងជ្រើសរើសសិស្ស-និស្សិត បញ្ជូលក្នុងក្របខណ្ឌមន្ដ្រីរាជការស៊ីវិលសម្រាប់ឆ្នាំ២០២១ ដើម្បីមកបម្រើការងារនៅសាលាខេត្តឧត្តរមានជ័យ ចំនួន០៦នាក់ ដែលរួមមាន៖ ក្របខ័ណ្ឌមន្ដ្រីរដ្ឋបាលជាន់ខ្ពស់ ចំនួន០២នាក់, ក្របខ័ណ្ឌមន្ដ្រីក្រមការ ចំនួន០២នាក់ និងក្របខ័ណ្ឌលេខាធិការរដ្ឋបាល ចំនួន០២នាក់។
បេក្ខជនដែលមានបំណងចូលបម្រើការងារក្នុងក្របខ័ណ្ឌមន្ដ្រីរាជការសាលាខេត្តឧត្តរមានជ័យ ត្រូវមកទទួលពាក្យសុំចុះឈ្មោះ និងត្រូវមកដាក់ពាក្យសុំចុះឈ្មោះ ដើម្បីចូលរួមប្រឡងប្រជែងនៅការិយាល័យគ្រប់គ្រងបុគ្គលិកនៃទីចាត់ការគ្រប់គ្រងធនធានមនុស្សសាលាខេត្តឧត្តរមានជ័យរៀងរាល់ម៉ោងធ្វើការ ចាប់ពីថ្ងៃជូនដំណឹងនេះ រហូតដល់ថ្ងៃទីសុក្រទី០៩ ខែមេសា ឆ្នាំ២០២១ ខាងមុខ វេលាម៉ោង១៧:០០នាទី ជាកាលបរិច្ឆេទចុងក្រោយនៃការឈប់ទទួលពាក្យប្រឡង៕
ប្រភព៖ រដ្ឋបាលខេត្តឧត្តរមានជ័យ