https://www.interior.gov.kh/report/detail/7696
រសៀលថ្ងៃទី១០ ខែមីនា ឆ្នាំ២០២១ ឯកឧត្តម ថង សាវុន អភិបាលនៃគណៈអភិបាលខេត្តរតនគិរី អមដំណើរដោយប្រធានមន្ទីរ អង្គភាព និងមន្ត្រីពាក់ព័ន្ធ បានអញ្ជើញចុះពិនិត្យការងារស្ថាបនាស្ពានដែកបេឡេតិ៍ ១ទីតាំង ស្ថិតនៅក្នុងភូមិលំផាត់ ឃុំជ័យឧត្តម ស្រុកលំផាត់ ក្រោមគម្រោងរបស់រដ្ឋបាលខេត្ត។ ស្ពាននេះត្រូវបានចាប់ផ្តើមដំណើរការសាងសង់នៅអំឡុងដើមឆ្នាំ២០២០ និងបានបញ្ចប់ដំណើរការដាក់ឲ្យប្រជាពលរដ្ឋប្រើប្រាស់កន្លងមកនេះ។
ឯកឧត្តមអភិបាលខេត្ត បានណែនាំឲ្យអាជ្ញាធរពាក់ព័ន្ធត្រូវថែរក្សាស្ពាននេះឲ្យបានល្អ ដើម្បីប្រើប្រាស់បានយូរអង្វែងជាប្រយោជន៍សម្រាប់ប្រជាពលរដ្ឋទូទៅដែលប្រើប្រាស់ស្ពាននេះ៕
ប្រភព៖ រដ្ឋបាលខេត្តរតនគិរី
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។