មណ្ឌលគិរី៖​ ព្រឹកថ្ងៃអាទិត្យ​ទី​២៨ ខែកុម្ភៈ ឆ្នាំ២០២១ លោក សាយ​ ម៉េងគីម​ អភិបាលរងនៃគណៈអភិបាលខេត្តមណ្ឌលគិរី តំណាងឯកឧត្តម​អភិបាលខេត្ត បានដឹកនាំក្រុមការងារប្រយុទ្ធប្រឆាំងជំងឺកូវីដ១៩​ខេត្តមណ្ឌលគិរី​ ចូលរួមក្នុងកិច្ចប្រជុំតាមរយៈវីដេអូពីចំងាយ (កម្មវិធីZOOM) ស្តីពីការរៀបចំរចនាសម្ព័ន្ធ និងតួនាទីភារកិច្ច របស់ក្រុមការងារស្រាវជ្រាវ និងតាមដានបុគ្គលសង្ស័យករណីផ្ទុកជំងឺកូវីដ-១៩ ថ្នាក់រាជធានី ខេត្ត។

កិច្ចប្រជុំនេះដឹកនាំដោយឯនេះដឹកនាំដោយឯ​កឧត្តម​ ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធានក្រុមការងារស្រាវជ្រាវ និងតាមដានបុគ្គលសង្ស័យករណីផ្ទុកជំងឺកូវីដ-១៩ (COVID-19) និងមានការចូលរួមពីរដ្ឋបាលរាជធានី ខេត្តទាំង២៥ និងស្ថាប័នពាក់ព័ន្ធ ដើម្បីឆ្លើយតបទៅនឹងគោលការណ៍ណែនាំរបស់ក្រសួងសុខាភិបាល ស្តីពីការរៀបចំបង្កើតគំរូរចនាសម្ព័ន្ធ និងតួនាទីភារកិច្ច របស់ក្រុមការងារស្រាវជ្រាវ និងតាមដានបុគ្គលសង្ស័យករណីផ្ទុកជំងឺកូវីដ-១៩ ថ្នាក់រាជធានី ខេត្ត៕

ប្រភព៖ រដ្ឋបាលខេត្តមណ្ឌលគិរី