អាជ្ញាធរខេត្តកោះកុង ដឹកនាំក្រុមការងារចុះផ្សព្វផ្សាយ និងបិទប្រព័ន្ធ QR Code “ទប់ស្កាត់កូវីដ Stop Covid” នៅក្រុងខេមរភូមិន្ទ
ថ្ងៃសុក្រទី១៩ ខែមីនា ឆ្នាំ២០២១ ដោយមានការចង្អុលណែនាំរបស់លោកជំទាវ អភិបាលខេត្តកោះកុង លោក អ៊ុក សុតា នាយករងរដ្ឋបាលខេត្តកោះកុង និងជាប្រធានក្រុមមន្ត្រីបង្គោលព័ត៌មានវិទ្យា សាលាខេត្ត បានដឹកនាំក្រុមការងារ ចុះផ្សព្វផ្សាយ និងបិទប្រព័ន្ធ QR Code “ទប់ស្កាត់កូវីដ Stop Covid” ចំនួន ០១ទីតាំងបន្ថែមទៀត នៅក្រុងខេមរភូមិន្ទ ខេត្តកោះកុង។
លោកនាយករងរដ្ឋបាលសាលាខេត្ត បានជំរុញឱ្យមានការផ្សព្វផ្សាយបន្ត និងអនុវត្តឱ្យបានជាប្រចាំនូវការស្គេន QR Code រាល់ការចេញ ចូលទីតាំងរបស់ខ្លួន ហេីយត្រូវអនុវត្តឱ្យបានខ្ជាប់ខ្ជួនបំផុត តាមការណែនាំរបស់ក្រសួងសុខាភិបាល និងស្ថាប័នមានសមត្ថកិច្ចពាក់ព័ន្ធ៕
ប្រភព៖ រដ្ឋបាលខេត្តកោះកុង
