https://www.interior.gov.kh/report/detail/7572
រសៀលថ្ងៃសុក្រ ទី២៦ ខែកុម្ភៈ ឆ្នាំ២០២១ ឯកឧត្តម ជាវ តាយ អភិបាលនៃគណ:អភិបាលខេត្តកំពត បានជួបជាមួយតំណាងប្រជាពលរដ្ឋដែលមានបញ្ហាដីធ្លីជាមួយក្រុមហ៊ុន សូ ងួន ដែលស្ថិតនៅ ភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ដែលពួកគាត់មកពេលនេះដេីម្បីយកឯកសារពាក់ព័ន្ធ មកដាក់ជូនរដ្ឋបាលខេត្ត ដេីម្បីធ្វេីការផ្ទៀងផ្ទាត់។
បន្ទាប់ពីបានទទួលឯកសារ និងស្តាប់ការលេីកឡេីងនូវបញ្ហា និងសំណូមពររបស់តំណាងប្រជាពលរដ្ឋរួចមក ឯកឧត្ដម ជាវ តាយ ទទួលយកសំណូមពរទាំងអស់ដែលបានលេីកឡេីងនេះយកទៅពិនិត្យឡេីងវិញ ដេីម្បីធ្វេីការផ្ទៀងផ្ទាត់ដោះស្រាយជូន។ ឯកឧត្តមអភិបាលខេត្តបានសំណូមពរឲ្យបងប្អូនប្រជាពលរដ្ឋទាំងអស់ត្រូវមានទំនុកចិត្តលេីរដ្ឋបាលខេត្ត ក្នុងការដោះស្រាយ រាល់បញ្ហា និងក្តីកង្វល់ជូនបងប្អូន ដោយមិនលំអៀង និងមានតម្លាភាពជានិច្ច៕
ប្រភព៖ រដ្ឋបាលខេត្តកំពត
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។