រដ្ឋបាលខេត្តកោះកុង បើកវគ្គបណ្តុះបណ្តាល ស្តីពីការធ្វើយុទ្ធនាការចាក់វ៉ាក់សាំងការការកូវីដ-១៩ ជូនមន្ត្រីសុខាភិបាល និងកងកម្លាំងនគរបាលខេត្ត
នាព្រឹកថ្ងៃចន្ទទី២២ ខែកុម្ភៈ ឆ្នាំ២០២១ លោក ទូ សាវុធ អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ក្នុងពិធីបើកវគ្គបណ្តុះបណ្តាល ស្តីពីការធ្វើយុទ្ធនាការចាក់វ៉ាក់សាំងការការកូវីដ-១៩ ជូនមន្ត្រីសុខាភិបាល និងកងកម្លាំងនគរបាលខេត្តកោះកុង។
លោកអភិបាលរងខេត្ត បានលើកឡើងថា សម្រាប់ខេត្តកោះកុងមានទីតាំងសម្រាប់ចាក់វាក់សាំងកូវីដ-១៩ ចំនួន២ទីតាំង គឺនៅមន្ទីរពេទ្យខេត្តកោះកុង និងមន្ទីរពេទ្យបង្អែកស្រែអំបិល យើងទាំងអស់បានដឹងហើយថាវ៉ាក់សាំងនេះ ជាជំនួយពីប្រទេសចិន ហើយថ្មីៗបានចាក់ជូនកម្លាំងកងរាជអាវុធហត្ថ និងកម្លាំងនគរបាលការពារព្រំដែន។
ជាជំហានបន្តនេះ ត្រូវចាក់ជូនបុគ្គលិកសុខាភិបាល និងកម្លាំងនគរបាល ដើម្បីឱ្យការចាក់វ៉ាក់សាំងសមស្របទៅនឹងគោលការណ៍ណែនាំនានា សូមបងប្អូនជាមន្រ្តីជំនាញយកចិត្តទុកដាក់ឱ្យបានខ្ពស់បំផុត ក្នុងការសិក្សានាពេលនេះ៕
ប្រភព៖ រដ្ឋបាលខេត្តកោះកុង
