រដ្ឋបាលខេត្តកោះកុង រៀបចំពិធីបើកការដ្ឋានសាងសង់ផ្លូវបេតុងមួយខ្សែ មានប្រវែង ៧៥០ម៉ែត្រជាជំនួយឧបត្ថម្ភឥតសំណងរបស់រដ្ឋាភិបាលជប៉ុន នៅភូមិអណ្តូងទឹក ឃុំអណ្តូងទឹក ស្រុកបូទុមសាគរ
January 15, 2021 អ្នកទស្សនា :

ថ្ងៃសុក្រ ទី១៥ ខែមករា ឆ្នាំ២០២១ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតីក្នុងពិធីបើកការដ្ឋានសាងសង់ផ្លូវបេតុងមួយខ្សែ មានប្រវែង ៧៥០ ម៉ែត្រ ទទឹង ៥ ម៉ែត្រ ក្រោមជំនួយឧបត្ថម្ភឥតសំណង សម្រាប់គម្រោងទ្រង់ទ្រាយតូច-សន្តិសុខមនុស្សជាតិ(គូសាណូណ៌) របស់រដ្ឋាភិបាលជប៉ុន នៅភូមិអណ្តូងទឹក ឃុំអណ្តូងទឹក ស្រុកបូទុមសាគរ។

លោកជំទាវអភិបាលខេត្ត បានលើកឡើងថា ក្រោមការដឹកនាំដ៏ឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា រាជរដ្ឋាភិបាលកម្ពុជា បានចាត់ទុកវិស័យឯកជនជាដៃគូ មិនអាចខ្វះបាន ក្នុងការរួមចំណែកវិនិយោគលើវិស័យនានា សំដៅធ្វើអោយប្រទេសជាតិយើង មានការអភិវឌ្ឍជាបន្តបន្ទាប់។ ដោយឡែកទឹកដីកោះកុង ក៏មានឱកាសដ៏ប្រពៃ ពីសន្តិភាព ស្ថេរភាព នយោបាយ ដោយមានក្រុមហ៊ុនជាច្រើន ចូលមកដាក់ទុនវិនិយោគ ដូចជា វារីអគ្គិសនី រោងចក្រស្ករស ផលិតពីអំពៅ តំបន់សេដ្ឋកិច្ច ពិសេសនាងកុក-កោះកុង។

នាពេលថ្មីៗនេះ ព្រះរាជាណាចក្រកម្ពុជា ជាប់ចំណាត់ថ្នាក់លេខ ១ លើពិភពលោក ក្នុងការទប់ស្កាត់ជំងឺកូវីដ-១៩ គឺដោយមានការដឹកនាំដ៏ត្រឹមត្រូវ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ជាមួយនឹងជោគជ័យដ៏ធំធេង និងសមិទ្ឋផលជាច្រើន កំពុងត្រូវបានកសាង ជាបន្តបន្ទាប់ដូចជា ផ្លូវ សាលារៀន អាគាររដ្ឋបាល ហេដ្ឋារចនាសម្ព័ន្ឋនានា ដោយឡែកពេលនេះ បានទទួលនូវគម្រោងសាងសង់ផ្លូវបេតុងមួយខ្សែ ដែលមានប្រវែង ៧៥០ ម៉ែត្រ ទទឹង ៥ ម៉ែត្រ កម្រាស់ ០.១៥ ម៉ែត្រ នៅក្នុងភូមិអណ្តូងទឹក ឃុំអណ្តូងទឹក ស្រុកបូទុមសាគរ ក្រោមជំនួយឧបត្ថម្ភឥតសំណង សម្រាប់គម្រោងទ្រង់ទ្រាយ តូច-សន្តិសុខមនុស្សជាតិ (កូសាណូណ៌)របស់រាជរដ្ឋាភិបាលជប៉ុន។ ដូចដែល លោក អន ដាវុធ ប្រធានមន្ទីរសាធារណការ និងដឹកជញ្ចូនខេត្ត បានលើកឡើងថា ដើម្បីទទួលបានគម្រោងទ្រង់ទ្រាយតូច-សន្តិសុខមនុស្សជាតិ(កូសាណូណ៌)របស់រាជរដ្ឋាភិបាលជប៉ុន នេះ គឺបានការគាំទ្រយ៉ាងពេញទំហឹង ពីគ្រប់អាជ្ញាធរពាក់ព័ន្ធ និងប្រជាពលរដ្ឋទាំងអស់ ជាពិសេសលោកប្រធានមន្ទីរជំនាញតែម្តង ក្នុងការទំនាក់ទំនងរហូត បានទទួលជោគជ័យនាពេលនេះ។ ការសាងសង់ផ្លូវបេតុងនេះ ជាការសាសងសង់សម្រាប់បងប្អូន ដែលស្ថិតនៅ អមសងខាងផ្លូវ និងបងប្អូនទាំងអស់ ដែលធ្វើដំណើរឆ្លងកាត់អោយកាន់តែងាយស្រួល និងឆាប់រហ័សផងដែរ។ ពីមុនផ្លូវ មិនស្អាត ធ្វើដំណើរពិបាក បន្តិចទៀតនេះ ផ្លូវនេះប្រាកដជាស្អាត រឹងមាំល្អ ខ្ញុំសូមអោយបងប្អូនប្រជាពលរដ្ឋទាំងអស់ ដែលនៅទីនេះ មេត្តាជួយថែរក្សានូវសមិទ្ឋិផលនេះ អោយបានគង់វង្សទុកជាប្រយោជន៍សាធារណៈរបស់រដ្ឋ និងទុកជារបស់បងប្អូនផ្ទាល់ផង ព្រមទាំងជួយថែរក្សា អនាម័យ បរិស្ថាន លើកំណាត់ផ្លូវ និងជុំវិញគេហដ្ឋាន អោយបានកាន់តែល្អប្រសើរបន្ថែមទៀត។ កន្លងមក ខ្ញុំបានឃើញលោកអភិបាលស្រុក បានបំផុសចលនាបំពាក់ ភ្លើងបំភ្លឺតាមមុខផ្ទះ ក្រោយពីផ្លូវសាងសង់រួចរាល់ ខ្ញុំសង្ឃឹមថាបងប្អូនប្រជាពលរដ្ឋ ពិតជាចូលរួម ក្នុងការបំពាក់ដាក់ភ្លើងនៅមុខផ្ទះ ដើម្បីសោភណ្ឌភាពផង ដើម្បីទប់ស្កាត់គ្រោះថ្នាក់ចរាចរផង និងដើម្បីទប់ស្កាត់ការបាត់បង់ទ្រព្យសម្បត្តិបងប្អូនផង។

ជាមួយគ្នានេះផងដែរ ខ្ញុំសូមបងប្អូនទាំងអស់យកចិត្តទុកដាក់ តាមគោលការណ៍ណែនាំ របស់រាជរដ្ឋាភិបាលក្រសួងសុខាភិបាល និងអាជ្ញាធរមានសត្ថកិច្ច ក្នុងការចូលរួមទប់ស្កាត់ជំងឺកូវីដ-១៩ យើងទាំងអស់គ្នាត្រូវតែរស់នៅ ប្រកបដោយអនាម័យ ក្នុងគន្លងថ្មី ក្នុងវិបត្តិកូវីដ យើងសង្ឃឹមថា ក្នុងភូមិ ក្នុឃុំ ក្នុងស្រុក ក្នុងខេត្តរបស់យើង ពិតជាអាចចៀសផុតពីកូវីដ១៩ និងមានសុខភាពល្អគ្រប់ៗគ្នា៕

ប្រភព៖ រដ្ឋបាលខេត្តកោះកុង

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ