ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ចុះពិនិត្យមើលស្ថានភាពទូទៅតាមព្រំដែនកម្ពុជាថៃនៅតាមគោលដៅត្រួតពិនិត្យ
នាថ្ងៃទី២៦ ខែធ្នូ ឆ្នាំ២០២០នេះ ឯកឧត្តម អ៊ុំ រាត្រី ក្នុងនាមគណៈបញ្ជាការឯកភាពរដ្ឋបាលខេត្តរួមនឹងក្រុមការងារបានអញ្ជើញចុះពិនិត្យមើលស្ថានភាពទូទៅតាមព្រំដែនកម្ពុជាថៃនៅតាមគោលដៅត្រួតពិនិត្យតាមបន្ទាត់ព្រំដែនកម្ពុជា~ថៃ ពីភូមិសាស្ត្រក្រុងប៉ោយប៉ែត ស្រុកអូរជ្រៅ និងស្រុកស្វាយចេក ដើម្បីណែនាំ និងដាក់វិធានការបន្ថែមពង្រឹងការគ្រប់គ្រងបងប្អូនប្រជាពលរដ្ឋត្រឡប់ចេញចូលមកពីប្រទេសថៃឱ្យបានហ្មត់ចត់តឹងរឹងឆ្លើយតបអនុវត្តន៍បន្ទាន់តាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ស្តីពីវិធានការទប់ស្កាត់នៃការរីករាលដាលជំងឺកូវីដ១៩ចូល ក្នុងសហគមន៍៕
ប្រភព៖ រដ្ឋបាលខេត្តបន្ទាយមានជ័យ
