ថ្ងៃទី២៥ ខែធ្នូ ឆ្នាំ២០២០នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអញ្ជើញចុះពិនិត្យមើលនិងធ្វើការណែនាំបន្ថែមដល់ ក្រុមការងារចម្រុះដែលប្រចាំនៅទីតាំងចត្តាឡីស័ក នៅក្រុងសិរីសោភ័ណ, វិទ្យាល័យមង្គលបូរី ស្រុកមង្គលបូរី និងនៅវិទ្យាល័យព្រះនេត្រព្រះ ស្រុកព្រះនេត្រព្រះ ក្នុងខេត្តបន្ទាយមានជ័យ ដែលទទួលបងប្អូនពលករត្រឡប់មកពីប្រទេសថៃទាំងក្នុងខេត្ត និងបណ្តាខេត្តផ្សេងៗទៀត ដើម្បីធ្វើចត្តាឡីស័កឲ្យបានត្រឹមត្រូវរយៈពេល១៤ថ្ងៃ។

ក្នុងនាមគណៈកម្មាការប្រយុទ្ធនឹងជំងឺកូវីដ១៩ថ្នាក់ខេត្ត

បានចាត់ចែងរៀបចំឲ្យមានមណ្ឌលធ្វើចត្តាឡីស័ក តាមអនុសាសន៍ណែនាំដ៍ខ្ពង់ខ្ពស់របស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ធ្វើយ៉ាងណាកាត់ផ្តាច់ និងទប់ស្កាត់ឲ្យខានតែបានការចម្លងចូលក្នុងសហគមន៍របស់យើង៕

ប្រភព៖ រដ្ឋបាលខេត្តបន្ទាយមានជ័យ