អាជ្ញាធរខេត្តកោះកុង បើកកិច្ចប្រជុំត្រួតពិនិត្យផ្ទៀងផ្ទាត់ឯកសារបញ្ជីឈ្មោះ ប្រជាពលរដ្ឋរស់នៅឃុំព្រែកខ្សាច់ ស្រុកគិរីសាគរ ខេត្តកោះកុង ដែលមានវិវាទដីធ្លីជាមួយក្រុមហ៊ុនឯកជន
ថ្ងៃអង្គារទី៥ ខែមករា ឆ្នាំ២០២១ លោក សុខ សុទ្ធី អភិបាលរង នៃគណៈអភិបាលខេត្តកោះកុង បានដឹកនាំកិច្ចប្រជុំដើម្បីត្រួតពិនិត្យ ផ្ទៀងផ្ទាត់ ឯកសារបញ្ជីឈ្មោះ ប្រជាពលរដ្ឋរស់នៅឃុំព្រែកខ្សាច់ ស្រុកគិរីសាគរ ខេត្តកោះកុង ដែលមានវិវាទដីធ្លីជាមួយក្រុមហ៊ុនយូញៀន។
កិច្ចប្រជុំនេះ រៀបចំឡើងក្នុងគោលបំណងផ្ទៀតផ្ទាត់ឱ្យបានច្បាស់លាស់អំពីឈ្មោះ អត្តសញ្ញាណប្រជាពលរដ្ឋដែលរស់នៅ ក្នុងទីតាំងវិនិយោគរបស់ក្រុមហ៊ុនយូញៀន ដើម្បីរដ្ឋបាលខេត្តកោះកុង ធ្វើរបាយការណ៍គោរពជូនឯកឧត្តមរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
កិច្ចប្រជុំនេះប្រព្រឹត្តទៅនៅសាលាខេត្តកោះកុង ដែលមានសមាសភាពចូលរួមដូចជា លោកនាយកទីចាត់ការអន្តរវិស័យ លោកអភិបាលស្រុកគិរីសាគរ លោកមេឃុំព្រែកខ្សាច់ និងស្មៀនឃុំព្រែកខ្សាច់៕
ប្រភព៖ រដ្ឋបាលខេត្តកោះកុង
