ថ្នាក់ដឹកនាំខេត្តកោះកុង អញ្ជើញដឹកនាំក្រុមការងារ ចុះពិនិត្យសំណង់អគារមជ្ឈមណ្ឌលកុមារកំព្រាខេត្ត ដែលស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ
ថ្ងៃសុក្រទី២៥ ខែធ្នូ ឆ្នាំ២០២០ លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំក្រុមការងារ រួមមាននាយកទីចាត់ការអន្តរវិស័យ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី អនុប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ចុះពិនិត្យសំណង់អគារមជ្ឈមណ្ឌលកុមារកំព្រាខេត្តកោះកុង ដែលមានទីតាំងស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ អគារមជ្ឈមណ្ឌលកុមារកំព្រា ដែលសាងសង់ថ្មីនេះ មានបណ្តោយប្រវែង២០ម៉ែត្រ និងទទឹងប្រវែង៩ម៉ែត្រ។
ជាមួយគ្នានេះដែរ លោក សុខ សុទ្ធី ក៏បានធ្វើការណែនាំដល់មន្ទីរសង្គមកិច្ច អតីតយុទ្ធជន និងយុវនីតិសម្បទា ថែរក្សាការពារសម្បត្តិរដ្ឋឱ្យបានគង់វង្ស សម្រាប់បម្រើផលប្រយោជន៍រួមដល់ប្រជាពលរដ្ឋ និងសង្គមជាតិ៕
ប្រភព៖ រដ្ឋបាលខេត្តកោះកុង
