ថ្នាក់ដឹកនាំខេត្តកោះកុង ចុះសួរសុខទុក្ខ និងចែកជូនគ្រឿងឧបភោគបរិភោគ ថ្នាំពេទ្យ សម្ភារការពារជំងឺកូវីដ១៩ ដល់កងកម្លាំងគ្រប់ប្រភេទ ដែលឈរជើងនៅស្រុកមណ្ឌលសីមា
ថ្ងៃសៅរ៍ ទី២ ខែមករា ឆ្នាំ២០២១ លោក ទូ សាវុធ អភិបាលរង នៃគណៈអភិបាលខេត្តកោះកុង និងលោកនាយករដ្ឋបាលសាលាខេត្ត តំណាងលោកជំទាវអភិបាលខេត្ត និងមានការចូលរួមពី លោកមេបញ្ជាការ នៃបញ្ជាការដ្នានតំបន់ប្រតិបត្តិការសឹងរងកោះកុង លោកស្នងការ នៃស្នងការដ្ឋាននគរបាលខេត្តកោះកុង និងលោកអភិបាលស្រុកមណ្ឌលសីមា បានអញ្ជើញចុះសួរសុខទុក្ខ ចែកជូនគ្រឿងឧបភោគបរិភោគ ថ្នាំពេទ្យ សម្ភារការពារជំងឺកូវីដ១៩(Covid-19) និងជូនពរឆ្នាំថ្មី ឆ្នាំសកល ឆ្នាំ២០២១ ដល់កងកម្លាំង ដែលឈរជើងនៅផ្នែកសឹករងមណ្ឌលសីមា ប៉ុស្តិ៍នគរបាលការពារព្រំដែនគោក២០៧ និងកងវរសេនាតូចលេខ៣ ស្ថិតនៅឃុំប៉ាក់ខ្លង ស្រុកមណ្ឌលសីមា ខេត្តកោះកុង៕
ប្រភព៖ រដ្ឋបាលខេត្តកោះកុង
