នាព្រឹកថ្ងៃព្រហសស្បតិ៍ ១២រោច ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងទី១២ ខែមេសា ឆ្នាំ២០១៨នេះ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានដឹកនាំមន្ត្រីរាជការជុំវិញមន្ទីរ និងកងកម្លាំងប្រដាប់អាវុធទាំងបី អញ្ជើញចុះជួបសំណេះសំណាលនិង សួរសុខទុក្ខ ចំពោៈបងប្អូនជាកម្មករ-កម្មការិនី រោងចក្រ និងបានជូនពរកម្មករ-ការិនី រោងចក្រ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំច សំរឹទ្ធស័ក ព.ស ២៥៦២ គ.ស ២០១៨ នាពេលខាងមុខ ។ ពិធីជួបជុំសំណេៈសំណាលនេៈធ្វើឡើងនៅរោងចក្រអ៊ែជ្យាយល៍ ស្វេតធី ស្ថិតនៅភូមបូរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ ។ នៅក្នុងឱកាសសំណេះសំណាលនេះ លោក វ៉ី សំណាង អភិបាលខេត្ត ក៏បានផ្តាំផ្ញើការសាកសួរសុខ និងស្នើរពួកគាត់ឲ្យធ្វើដំណើរត្រូវគោរពច្បាប់ចរាចរទាំងអស់គ្នា ដើម្បីបានទៅចូលរួម ជួបជុំសាច់ញាតិនៅស្រុកកំណើតប្រកបដោយភាពសុខសាន្តគ្រប់ៗគ្នា ។ ក្នុងនាមក្រុមប្រឹក្សាខេត្ត គណៈអភិបាលខេត្ត ប្រជាពលរដ្ឋខេត្តកំពង់ស្ពឺ សូមប្រសិទ្ធិពរជ័យ បវរមហាប្រសើរ ជូនទៅបងប្អូនជា កម្មករ-កម្មការិនី រោងចក្រទាំងអស់ឲ្យជួបតែសេចក្តីសុខ ការធ្វើប្រកបដោយសុវត្ថិភាពជាពិសេសត្រូវគោរពច្បាប់ចរាចរណ៍ និងសូមជួនពុទ្ធពរទាំងឡាយបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀង ឃ្លាតឡើយ ៕
ប្រភពព័ត៌មាន: រដ្ឋបាលខេត្តកំពង់ស្ពឺ (ថ្ងៃទី១២ ខែមេសា ឆ្នាំ២០១៨)
