ថ្ងៃអង្គារ ១០ រោច ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី១០ ខែមេសា ឆ្នាំ២០១៨ ឯកឧត្តម កាយ សំរួម ប្រធានក្រុមប្រឹក្សាខេត្តកោះកុង បានអញ្ជើញដឹកនាំកិច្ចប្រជុំសាមញ្ញ លើកទី៤៧ អាណត្តិទី០២ របស់ក្រុមប្រឹក្សាខេត្តកោះកុង ដោយមានការចូលរួមពីគណ:អភិបាលខេត្ត នាយក នាយករងរដ្ឋបាល សាលាខេត្ត ប្រធាន អនុប្រធានមន្ទីរ អង្គភាព នាយក នាយករងទីចាត់ការ ប្រធាន អនុប្រធានអង្គភាព ចំណុះសាលាខេត្ត ដោយមានរបៀបវារ: ១-ពិនិត្យ និងអនុម័ត លើសេចក្ដីព្រាងកំណត់ហេតុនៃកិច្ចប្រជុំសាមញ្ញលើកទី៤៦ អាណត្តិទី០២ របស់ក្រុមប្រឹក្សាខេត្តកោះកុង ២-របាយការណ៍របស់គណៈអភិបាល អំពីស្ថានភាពនៃការទទួលបន្តអនុវត្តការងារ នៃរដ្ឋបាលខេត្តកោះកុង គិតចាប់ពីកិច្ចប្រជុំសាមញ្ញលើកទី៤៦ (ថ្ងៃទី១៥ ខែមីនា ឆ្នាំ២០១៨) រហូតដល់កិច្ចប្រជុំសាមញ្ញលើកទី៤៧ (ថ្ងៃទី១០ ខែមេសា ឆ្នាំ២០១៨) របស់ក្រុមប្រឹក្សាខេត្តកោះកុង ៣-របាយការណ៍លទ្ធផលការងារប្រចាំខែមីនា ឆ្នាំ២០១៨ របស់គណៈកម្មាធិការពិគ្រោះយោបល់កិច្ចការស្រ្តី និងកុមារខេត្ត ៤-ពិនិត្យ និងអនុម័តលើសេចក្ដីព្រាងរបាយការណ៍ ប្រចាំខែមីនា ឆ្នាំ២០១៨ ស្ដីពីការអនុវត្តន៍ការងាររបស់រដ្ឋបាលខេត្តកោះកុង ៥-ពិនិត្យ និងអនុម័ត លើសេចក្ដីព្រាងសេចក្តីសម្រេច ស្តីពីការកែសម្រួលប្រការ១.ថ្មី(ពីរ) នៃសេចក្ដីសម្រេចលេខ ០២៨/១៧ សសរ ចុះថ្ងៃទី២៧ ខែកក្កដា ឆ្នាំ២០១៧ ស្ដីពីការកែសម្រួលប្រការ១ នៃសេចក្ដីសម្រេចលេខ ០២៨/១៦ សសរ ចុះថ្ងៃទី២១ ខែកក្កដា ឆ្នាំ២០១៦ ស្ដីពីការបង្កើតគណៈកម្មាធិការលទ្ធកម្ម (គ.ល) របស់រដ្ឋបាលខេត្តកោះកុង ៦-ពិនិត្យ និងអនុម័តលើ សេចក្ដីព្រាងកម្មវិធីវិនិយោគបីឆ្នាំរំកិលឆ្នាំ២០១៨ ដល់ ឆ្នាំ២០២០ របស់រដ្ឋបាលខេត្តកោះកុង ៧-បញ្ហាផ្សេងៗ៕ #កោះកុង #រដ្ឋបាលខេត្តកោះកុង
