ដំណោះស្រាយបន្តក្រោយទឹកជំនន់សម្រកចុះ ថ្ងៃទី១៨ ខែវិច្ឆិកា ឆ្នាំ២០២០នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយលោក រត្ន័ ដាស៊ីណង់ អភិបាលស្រុកមង្គលបូរី ព្រមទាំងកងកម្លាំង ក្រុមការងារអាជ្ញាធរមូលដ្ឋាន បានអញ្ជើញចុះពិនិត្យមើលស្ថានភាពផ្លូវ និងស្រង់ទិន្នជាក់ស្តែងផ្ទះសម្បែងប្រជាពលរដ្ឋរងគ្រោះទឹកជំនន់ ដើម្បីជួយជួសជុលនិងរៀបចំផ្ទះសម្បែងឡើងវិញ ជូនដល់បងប្អូនប្រជាពលរដ្ឋរងគ្រោះ នៅទីកន្លែងដែលទទួលរងគ្រោះទឹកជំនន់ខ្លាំង នៅក្នុងឃុំបត់ត្រង់ និងភូមិនាងកេត ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ។

មានផ្ទះបងប្អូនប្រជាពលរដ្ឋដែលទទួលរងគ្រោះនិងខូចខាតគ្រោងនឹងជួសជុលឡើងវិញមានចំនួន ០៩ខ្នង ក្នុងនោះ ឃុំបត់ត្រង់ចំនួន ០៥ខ្នង និងភូមិនាងកេត ឃុំឬស្សីក្រោក ០៤ខ្នង។

រសៀលថ្ងៃដដែលនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក ហ៊ឹល រ៉ាយ៉ា អភិបាលក្រុងសិរីសោភ័ណ ព្រមទាំងកងកម្លាំង ក្រុមការងារ បានបន្តចុះពិនិត្យមើលស្ថានភាពផ្ទះបងប្អូនប្រជាពលរដ្ឋ នៅភូមិសេសិន សង្កាត់អូរអំបិល និងនៅក្នុងសង្កាត់ព្រះពន្លា ក្រុងសិរីសោភ័ណបន្ថែមទៀត ដើម្បីបានទិន្នន័យ សម្រាប់ត្រៀមរៀបចំជួយជុលឡើងវិញផងដែរ៕

ប្រភព៖ រដ្ឋបាលខេត្តបន្ទាយមានជ័យ