អាជ្ញាធរខេត្តកោះកុង បើកកិច្ចប្រជុំពិភាក្សាលើករណីទំនាស់ដីធ្លីរបស់ប្រជាពលរដ្ឋ០១កន្លែង ស្ថិតនៅភូមិស្ទឹងវែង សង្កាត់ស្ទឹងវែង
ថ្ងៃពុធទី១១ ខែវិច្ឆិកា ឆ្នាំ២០២០ លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំពិភាក្សាលើករណីទំនាស់ដីធ្លី០១កន្លែង ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ រវាងឈ្មោះ ហ៊ុយ ភារម្យ ជាមួយឈ្មោះ ឈុត អ៊ាន។
ក្នុងកិច្ចប្រជុំ លោក សុខ សុទ្ធី បានស្នើឲ្យភាគីទាំងពីរសម្របសម្រួលគ្នា ដោយឈរលើគោលការណ៍យោគយល់ និងអធ្យាស្រ័យគ្នាដើម្បីបញ្ចប់ទំនាស់។ សូមបញ្ជាក់ជូនថា កិច្ចប្រជុំនេះពុំទទួលបានលទ្ធផលទេ ដោយភាគីឈ្មោះ ហ៊ុយ ភារម្យ មិនយល់ព្រម៕
ប្រភព៖ រដ្ឋបាលខេត្តកោះកុង
