លោកជំទាវ ញឹក សាគន្ធ បានអញ្ជើញចុះជួបសំណេះដំណាល សួរសុខទុក និងនាំយកអំណោយមួយចំនួន ចែកជូនដល់បងប្អូនប្រជាពលរដ្ឋដែលមានជីវភាពខ្វះខាតចំនួន ៥០គ្រួសារ ក្នុងខេត្តបាត់ដំបង
ព្រឹកថ្ងៃសុក្រ ៧កើត ខែចេត្រ ឆ្នាំរកា នព្វស័ក ត្រូវនឹងថ្ងៃទី២៣ ខែមីនា ឆ្នាំ២០១៨ លោកជំទាវ ញឹក សាគន្ធ អភិបាលរង នៃគណៈអភិបាលខេត្ត និងជាប្រធានសាខាគណៈកម្មការសមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តបាត់ដំបង នឹងមានការអញ្ជើញចូលរួមពី លោកជំទាវ លោកស្រី ជាអនុប្រធាន លោកអភិបាលក្រុងបាត់ដំបង ព្រមទាំងក្រុមការងារសមាគមនារីកម្ពុជាដើម្បីសន្តិភាព និងអភិវឌ្ឍន៍ ខេត្តបាត់ដំបង បានអញ្ជើញចុះជួបសំណេះដំណាល សួរសុខទុក និងនាំយកអំណោយមួយចំនួន ចែកជូនដល់បងប្អូនប្រជាពលរដ្ឋដែលមានជីវភាពខ្វះចំនួន ៥០គ្រួសារ មកពី១០សង្កាត់ ក្នុងក្រុងបាត់ដំបង ។ អំណោយរួមមានអង្ករ១ការ៉រុង ត្រីខ ១យួរ មី ១កេះ សារ៉ុង១ ទឹកសុីអុីវ និងទឹកត្រី ព្រមទាំងថវិកាមួយចំនួនទៀត ។ ប្រភពព័ត៌មាន: រដ្ឋបាលខេត្តបាត់ដំបង (ថ្ងៃទី ២៣ ខែមីនា ឆ្នាំ២០១៨)
