ថ្ងៃអង្គារ ៤ កើត ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី២០ ខែមីនា ឆ្នាំ២០១៨ លោក ផៃធូន ផ្លាមកេសន អភិបាលរង នៃគណ:អភិបាលខេត្តកោះកុង អញ្ជើញដឹកនាំកិច្ចប្រជុំពិភាក្សា លើគម្រោងរៀបចំតបណ្តាញ និងតំឡើងបង្គោលភ្លើងបំភ្លឺទីសាធារណៈ និងតាមផ្លូវមួយចំនួន ក្នុងក្រុងខេមរភូមិន្ទ។ ដោយមានការចូលរួមពីលោកនាយករង រដ្ឋបាលសាលាខេត្ត លោក លោកស្រី នាយកនាយករងទីចាត់ការ ប្រធាន អនុប្រធានអង្គភាព សាលាខេត្ត អភិបាលក្រុង ព្រមទាំងមន្ត្រីជំនាញពាក់ព័ន្ឋ។ លោកអភិបាលរងខេត្ត សូមអោយអ្នកពាក់ព័ន្ឋទាំងអស់ សិក្សាអោយបានលម្អិតអំពីគម្រោងតបណ្តាញ និងតំឡើងបង្គោលភ្លើងបំភ្លឺ ទីសាធារណៈ និងតាមផ្លូវមួយចំនួន ក្នុងក្រុងខេមរភូមិន្ទ សមស្របទៅនឹងលក្ខណ:បច្ចេកទេស នៃអគ្គិសនី ដើម្បីលើកសោភណ្ឌភាពក្រុងនាពេលរាត្រី៕
ប្រភពព័ត៌មាន: រដ្ឋបាលខេត្តកោះកុង (ថ្ងៃទី ២០ ខែមីនា ឆ្នាំ២០១៨)