ថ្ងៃអង្គារ ៤ កើត ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី២០ ខែមីនា ឆ្នាំ២០១៨ លោក អន ភារ: អភិបាលរង នៃគណ:អភិបាលខេត្តកោះកុង អញ្ជើញជាអធិបតី ក្នុងវគ្គបណ្តុះបណ្តាលត្រង់ទិស ស្តីពីការពង្រឹងសមត្ថភាព នៃការអនុវត្តច្បាប់ និងការកសាងសំណុំរឿងបទល្មើសធនធានធម្មជាតិ។ ដោយមានការចូលរួមពីព្រះរាជអាជ្ញា ប្រធានមន្ទីរបរិស្ថាន អាជ្ញាធរក្រុង ស្រុង កងកម្លាំងប្រដាប់អាវុធ មន្ត្រីបរិស្ថាន អង្គការអភិរក្សសត្វព្រៃ និងអ្នកពាក់ព័ន្ឋនានា។ លោកអភិបាលរងខេត្ត សូមអោយសិក្ខាកាមទាំងអស់យកចិត្តទុកដាក់ខ្ពស់ ក្នុងការពង្រឹងសមត្ថភាព នៃការអនុវត្តច្បាប់ និងការកសាងសំណុំរឿងបទល្មើសធនធានធម្មជាតិ ដើម្បីថែរក្សាធនធានធម្មជាតិ និងអនុវត្តច្បាប់ពាក់ព័ន្ឋធនធានធម្មជាតិអោយបានគ្រប់ជ្រុងជ្រោយ និងមានប្រសិទ្ឋិភាពខ្ពស់ សម្រាប់អនុវត្តតួនាទី ភារកិច្ចរបស់ខ្លួន៕

ប្រភពព័ត៌មាន: រដ្ឋបាលខេត្តកោះកុង (ថ្ងៃទី ២០ ខែមីនា ឆ្នាំ២០១៨)