ថ្នាក់ដឹកនាំខេត្តកំពង់ស្ពឺ ចុះពិនិត្យមើលស្ថានភាពទំនប់ទឹក និងទ្វារទឹករលាំងជ្រៃ ដែលស្ថិតនៅឃុំតាំងក្រូច ស្រុកសំរោងទង
(កំពង់ស្ពឺ)៖ នារសៀលថ្ងៃទី២៣ ខែកញ្ញា ឆ្នាំ២០២០ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ ឯកឧត្តម អ៊ិន ឃុន សមាជិក្រុមប្រឹក្សាខេត្ត អមដំណើរលោកនាយករដ្ឋបាលខេត្ត លោកអភិបាលស្រុក ប្រធានមន្ទីរជំនាញពាក់ព័ន្ធ បានអញ្ជើញចុះពិនិត្យមើលស្ថានភាពទំនប់ទឹក និងទ្វារទឹករលាំងជ្រៃ ដែលស្ថិតនៅឃុំតាំងក្រូច ស្រុកសំរោងទង ខេត្តកំពង់ស្ពឺ។
សូមបញ្ជាក់ផងដែរថាទំនប់ទឹករលាំងជ្រៃគឺជាតំបន់កំសាន្ដសំរាប់ភ្ញៀវទេសចរណ៍ដែលនិយមចូលចិត្តក្នុងការស្ទូចត្រីនិងជិះទូកលេង ហើយភ្ញៀវទេសចរណ៍ក៏អាចចូលទៅទទួលទានអាហារថ្ងៃត្រង់ ឬ អាហារអាហារសម្រន់ពេលរសៀលយ៉ាងសំបូរបែបដែលជាស្នាដៃរបស់អ្នកខេត្តកំពង់ស្ពឺផ្ទាល់ផងដែរ៕
ប្រភព៖ រដ្ឋបាលខេត្តកំពង់ស្ពឺ
