កំពង់ឆ្នាំង៖ នៅព្រឹកថ្ងៃពុធ ៦កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៣ ខែកញ្ញា ឆ្នាំ២០២០នេះ ឯកឧត្តម អម សុភា អភិបាលរង នៃគណ:អភិបាលខេត្តកំពង់ឆ្នាំង បានអញ្ជើញជាអធិបតីក្នុងកិច្ចប្រជុំសេចក្តីណែនាំ ស្តីពីកិច្ចសហការ ការពារសន្តិសុខ សុវត្តិភាព និងសណ្តាប់ឆ្នាប់ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០ រៀបចំនៅលេខាធិការដ្ឋានរៀបចំការបោះឆ្នោត ខេត្តកំពង់ឆ្នាំង។
ឯកឧត្តម អម សុភា សូមឱ្យអាជ្ញាធរគ្រប់លំដាប់ថ្នាក់ចូលរួមសហការ ក្នុងការការពារសន្តិសុខ សុវត្តិភាព និងសណ្តាប់ឆ្នាប់ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០ ជាមួយនឹងលេខាធិការដ្ឋានរៀបចំការបោះឆ្នោតខេត្តកំពង់ឆ្នាំង ឱ្យបានល្អប្រសើរស្របតាមគោលការណ៍ណែនាំនានា និងច្បាប់ ព្រមទាំងលិខិតបទដ្ឋានគតិយុត្ត ជាធរមាន។ ក្នុងនាមរដ្ឋបាលខេត្ត និងបន្តណែនាំបន្ថែមទៀត ដល់អ្នកពាក់ព័ន្ធ ក្នុងការចូលរួមថែរក្សាសន្តិសុខ សុវត្តិភាព និងសណ្តាប់ឆ្នាប់ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២០ ឱ្យទទួលបានលទ្ធផលល្អប្រសើរ ៕
ប្រភព៖ រដ្ឋបាលខេត្តកំពង់ឆ្នាំង