ថ្ងៃអង្គារ ទី២២ ខែកញ្ញា ឆ្នាំ២០២០ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងពិធីបិទវគ្គហ្វឹកហ្វឺន ដល់នាយទាហាន ​នាយទាហានរង​ និងពលទាហាន​ នៅបញ្ជាការដ្ឋានតំបន់ប្រតិបត្តិការសឹករងកោះកុង។

      ក្នុងឱកាសនោះដែរ លោកជំទាវអភិបាលខេត្ត សូមចូលរួមអបសាទរចំពោះសិក្ខាកាមទាំងអស់ ដែលបានយកចិត្តខ្ពស់ក្នុងការហ្វឹកហ្វឺន រហូតទទួលបានលទ្ធផលល្អ ដោយមានការយកចិត្តទុកដាក់ខ្ពស់របស់យោធាចារ្យ ដែលបានបង្ហាត់បង្ហាញ ដល់នាយទាហាន នាយទាហានរង និងពលទាហាន សម្រាប់ពង្រឹងសមត្ថភាព ជំនាញ ក្នុងបុព្វហេតុការពារជាតិ មាតុភូមិ និងបូរណភាពទឹកដី ជាពិសេសចូលរួមថែរក្សាសន្តិសុខ សណ្តាប់ធ្នាប់ ជូនប្រជាពលរដ្ឋ និងការពារតាមបណ្តោយព្រំដែនកម្ពុជា ថៃ។

ប្រភព៖ រដ្ឋបាលខេត្តកោះកុង