ខេត្តកំពង់ឆ្នាំង៖ នៅព្រឹកថ្ងៃចន្ទ ទី២១ ខែកញ្ញា ឆ្នាំ២០២០នេះ នៅសាលប្រជុំសាលាខេត្តកំពង់ឆ្នាំង មានបើកកិច្ចប្រជុំស្តីពីការពិភាក្សារៀបចំបើកការដ្ឋានជួសជុលផ្លូវ ពង្រីកចិញ្ចើមផ្លូវ, ការត្រៀមសម្ពោធចំណតរថយន្តតូចសាធារណៈ, ការត្រៀមបើកការដ្ឋានសាងសង់លូរំដោះទឹក និងត្រៀមបើកការដ្ឋានសាងសង់សមិទ្ធផលថ្មីៗមួយចំនួនទៀត ក្រោមអធិបតីភាពឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង។
ដោយមានការចូលរួមពីលោកជំទាវ ប៊ន សុភី អភិបាលរងខេត្តកំពង់ឆ្នាំង លោកនាយករងរដ្ឋបាលសាលាខេត្ត លោក លោកស្រីប្រធានមន្ទីរពាក់ព័ន្ធ និងអាជ្ញាធរក្រុង ស្រុកពាក់ព័ន្ធចូលរួមផងដែរ។
សូមបញ្ជាក់ជូនផងដែរថា៖ ការពិភាក្សារៀបចំបើកការដ្ឋានជួសជុលផ្លូវ គឺមានគម្រោងនឹងពង្រីកចិញ្ចើមផ្លូវពីវិទ្យាល័យព្រះបាទសុរាម្រឹតរហូតដល់សួនដំរីស ក្នុងសង្កាត់កំពង់ឆ្នាំង ក្រុងកំពង់ឆ្នាំង និងការត្រៀមសម្ពោធចំណតរថយន្តតូចសាធារណៈ នៅសួនច្បារវិមានឯករាជ្យក្រុងកំពង់ឆ្នាំង, ការត្រៀមបើកការដ្ឋានសាងសង់លូរំដោះទឹក នៅក្នុងស្រុកទឹកផុស ៕
ប្រភព៖ រដ្ឋបាលខេត្តកំពង់ឆ្នាំង