អភិបាលខេត្តបន្ទាយមានជ័យ អញ្ជើញដឹកនាំជាមួយក្រុមការងារ ចុះពិនិត្យមើលផ្នែកខាងក្នុង និងបរិវេណជុំវិញអគារមហាវិទ្យាល័យសុខាភិបាល នៃសាកលវិទ្យាល័យមានជ័យ
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញដឹកនាំជាមួយក្រុមការងារ ចុះពិនិត្យមើលផ្នែកខាងក្នុង និងបរិវេណជុំវិញ ដើម្បីជួសជុលរៀបចំជាបន្ទាន់ ឲ្យក្លាយជាកន្លែងមានសុវត្ថិភាព និងផាសុខភាព បរិស្ថានស្អាត សម្រាប់ក្រុមការងារ ទទួលប្រជាពលរដ្ឋដែលត្រឡប់មកមាតុភូមិវិញជារៀងរាល់ថ្ងៃ ដែលបច្ចុប្បន្នមានប្រជាពលរដ្ឋត្រឡប់មកវិញជាមធ្យម១០០នាក់តាមច្រកអូរបីជាន់។
គួរជម្រាបថា អគារមហាវិទ្យាល័យសុខាភិបាល នៃសាកលវិទ្យាល័យមានជ័យ នឹងរៀបចំជួសជុលកែលម្អ ធ្វើរបងព័ទ្ធជុំវិញ ដើម្បីជាកន្លែងមណ្ឌលចត្តាឡីស័កទទួលបងប្អូនប្រជាពលរដ្ឋមាតុភូមិនិវត្តន៍មកពីប្រទេសថៃ ដោយសារសាលារៀនជាកន្លែងចត្តាឡីស័ក ត្រូវបើកដំណើរសម្រាប់រៀនសូត្រឡើងវិញ៕
ប្រភព៖ រដ្ឋបាលខេត្តបន្ទាយមានជ័យ
