ខេត្តកំពង់ឆ្នាំង៖ នៅព្រឹកថ្ងៃអាទិត្យ ទី១៣ ខែកញ្ញា ឆ្នាំ២០២០នេះ ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង អញ្ជើញចូលរួមកាន់វេនបិណ្ឌទី១១ នៅវត្តអង្គ ស្ថិតក្នុងភូមិស្នោ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់របស់សម្តេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាសមាជិកសភាមណ្ឌលខេត្តកំពង់ឆ្នាំង។

      ដោយមានការអញ្ជើញចូលរួមពីឯកឧត្ដម គុយ សុផល ទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង ឯកឧត្ដម ឈា ហន រដ្ឋមន្ត្រីអមក្រសួងព្រះបរមរាជវាំង សមាជិកក្រុមប្រឹក្សា ឯកឧត្តម លោកជំទាវអភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត ថ្នាក់ដឹកនាំ និងមន្ត្រីរាជការរដ្ឋបាលស្រុកបរិបូរណ៌ និងប្រជាពុទ្ធបរិស័ទ្ធចូលរួមផងដែរ។

      ក្នុងឱកាសនៃការកាន់វេនបិណ្ឌទី១១ សម្តេចបាននាំយកទេយ្យវត្ថុ និងបច្ច័យមួយចំនួន ប្រគេនដល់ព្រះសង្ឃគង់តាមវត្តចំនួន ០៩វត្តផងដែរ។

      សូមជម្រាបជូនផងដែរថាៈ វត្តចំនួន ០៩ ដែលបានទទួលទេយ្យវត្ថុ និងបច្ច័យ រួមមាន៖ វត្តអង្គ, វត្តព្រះឥន្ទទេព, វត្តស្នោ, វត្តល្បើករង្សី, វត្តឯករង្សី, វត្តសម្ដេចមុនី, វត្តនរាយុរង្សី, វត្តថ្នល់អណ្ដែត, វត្តសិរី ៕

ប្រភព៖ រដ្ឋបាលខេត្តកំពង់ឆ្នាំង