ថ្ងៃសៅរ៍ ១កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមីនា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងឯកឧត្តម ប្រធានក្រុមប្រឹក្សាខេត្ត មន្ត្រីរាជការ កងកម្លាំងប្រដាប់អាវុធ ព្រមទាំងព្រះសង្ឃ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ក្នុងខេត្តព្រៃវែង ជាពិសេសប្រជាពលរដ្ឋក្នុងស្រុកពារាំង សូមសំដែងនូវគារវៈកិច្ចគោរពយ៉ាងជ្រាលជ្រៅបំផុត ចំពោះវត្តមានដ៏ថ្លៃថ្លារបស់សម្តេចក្រឡាហោម ស ខេង នាយករដ្ឋមន្ត្រីស្តីទី នៃរាជរដ្ឋាភិបាលកម្ពុជា ដែលបានឆ្លៀតឱកាសដ៏មមាញឹក និងមានតម្លៃបំផុតអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបុណ្យបញ្ចុះខ័ណ្ឌសីមាព្រះវិហារ និងឆ្លងសមិទ្ឋផលនានា នៅវត្តខ្សុំជើង ស្ថិតនៅឃុំពពិល ស្រុកពារាំង ខេត្តព្រៃវែង។ ជាថ្មីម្តងទៀត ឯកឧត្តម អភិបាលខេត្ត និងប្រជាពលរដ្ឋ ទូទាំងខេត្តព្រៃវែង សូមគោរពជូនពរ សម្តេចក្រឡាហោម នាយករដ្ឋមន្ត្រីស្តីទី នៃរាជរដ្ឋាភិបាលកម្ពុជា និងលោកជំទាវ ព្រមទាំងសហការី សូមមានសុខភាពល្អ បរិបូរណ៍ប្រាជ្ញាឈ្លៀសវៃ និងជ័យជំនះគ្រប់ភារកិច្ច ដើម្បីដឹកនាំ និងអភិវឌ្ឍន៌ ជាតិមាតុភូមិ អោយមានភាពរុងរឿង និងរីកចម្រើន តទៅ ។
ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី១៧ ខែមីនា ឆ្នាំ២០១៨)
