រសៀល ថ្ងៃព្រហស្បតិ៍ ទី១០ ខែកញ្ញា ឆ្នាំ២០២០ រដ្ឋបាលខេត្តកំពតរៀបចំកិច្ចប្រជុំសាមញ្ញលើកទី១៦ របស់ក្រុមប្រឹក្សាខេត្ត អាណត្តិទី៣ ក្រោមអធិបតីភាព ឯកឧត្តម ជឹង ផល្លា ប្រធានក្រុមប្រឹក្សាខេត្ត ឯកឧត្តម ជាវ តាយ អភិបាលនៃគណ:អភិបាលខេត្ត។ អញ្ជើញចូលរួមក្នុងកិច្ចប្រជុំនារសៀលនេះរួមមាន ឯកឧត្តម លោកជំទាវសមាជិកក្រុមប្រឹក្សាខេត្ត អភិបាលរងខេត្ត កងកម្លាំងទាំងបីប្រភេទ លោក លោកស្រី នាយក នាយករងរដ្ឋបាលសាលាខេត្ត នាយក នាយករងទីចាត់ការ ប្រធាន អនុប្រធានអង្គភាពចំណុះសាលាខេត្ត នៅសាលាខេត្តកំពត។ លោក លោកស្រី ប្រធានមន្ទីរ អង្គភាពជុំវិញខេត្តអញ្ជើញចូលរួមកិច្ចប្រជុំតាមរយៈវីដេអូអនឡាញ(Zoom Cloud Meetng) ។
ជាកិច្ចចាប់ផ្តើម ឯកឧត្តម ជឹង ផល្លា ប្រធានក្រុមប្រឹក្សាខេត្តបានមានប្រសាសន៍ថា អនុវត្តតាមប្រតិទិនការងាររបស់ក្រុមប្រឹក្សាខេត្ត ថ្ងៃនេះរដ្ឋបាលខេត្ត បានរៀបចំកិច្ចប្រជុំសាមញ្ញលើកទី១៦ របស់ក្រុមប្រឹក្សាខេត្ត អាណត្តិទី៣ ដើម្បីពិនិត្យ និងអនុម័តលើរបៀបវារះ៖
១-កំណត់ហេតុនៃកិច្ចប្រជុំសាមញ្ញលើកទី១៥ របស់ក្រុមប្រឹក្សាខេត្ត។
២-របាយការណ៍ប្រចាំខែ សីហា ឆ្នាំ២០២០ ស្តីពីការអនុវត្តការងាររបស់រដ្ឋបាលខេត្ដ។
៣-សេចក្តីសម្រេច ស្តីពីការបែងចែកតួនាទី ភារកិច្ច និងរបៀបរបបធ្វើការងារ ជូនគណៈអភិបាលខេត្តកំពត។
៤-ការធ្វើបច្ចុប្បន្នភាពលទ្ធផលសម្រេចបានក្នុងការឆ្លើយតប និងសំណូមពររបស់ប្រជាពលរដ្ឋ ដែលបានលើកឡើងក្នុងអង្គវេទិកាផ្សព្វផ្សាយ និងពិគ្រោះយោយល់ របស់ក្រុមប្រឹក្សាខេត្តកំពត ឆ្នាំ២០១៩៕
ប្រភព៖ រដ្ឋបាលខេត្តកំពត