មណ្ឌលគិរី៖ នាព្រឹកថ្ងៃទី ១០ ខែកញ្ញា ឆ្នាំ ២០២០ ប្រធានក្រុមប្រឹក្សាខេត្ត ឯកឧត្តម ម៉ែន ង៉ុយ រួមជាមួយលោកមេបញ្ជាការតំបន់ប្រតិបត្តិការសឹករងខេត្ត លោកប្រធានមន្ទីរអង្គភាពនានាជុំវិញខេត្ត លោកអភិបាល និងមន្ត្រីសាលា​ស្រុកកែវសីមាជាច្រើនរូប បានអញ្ជើញចុះសួរសុខទុក្ខ និងនាំយកអំណោយ​របស់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ចែកជូនដល់​​ជនក្រីក្រ ចាស់ជរាគ្មានទីពឹង និងកុមារពិការភាព ចំនួន១០០គ្រួសារ ដែលអំណោយទាំងនោះ មាន អង្ករ ទឹកត្រី មី ត្រីខ។ កម្មវិធីចែកអំណោយនេះ បានធ្វើឡើងនៅសាលាស្រុកកែវសីមា ខេត្តមណ្ឌលគិរី ។

      ក្នុងឱកាសដ៏ថ្លៃថ្លានេះ ឯកឧត្តម ម៉ែន ង៉ុយប្រធានក្រុមប្រឹក្សាខេត្ត និងថ្នាក់ដឹកនាំមន្ទីរបានចូលរួមកាន់បិណ្ឌវេន​​ទី៨ នៅវត្តកែវសីមា និងបាននាំយកទេយ្យវត្ថុ និងបច្ច័យមួយចំនួនវេរប្រគេនព្រះសង្ឃផងដែរ៕

ប្រភព៖ រដ្ឋបាលខេត្តមណ្ឌលគិរី