ព្រឹកថ្ងៃព្រហស្បតិ៍ ទី១០ ខែកញ្ញាឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ អញ្ជើញទទួល អំណោយមនុស្សធម៌ពីវិស័យឯកជន នូវទឹកអាល់កុលចំនួន ៥០កាន ស្មើនឹង ១,៥០០ លីត្រ ដល់រដ្ឋបាលខេត្តព្រះសីហនុ សម្រាប់ប្រើប្រាស់ក្នុងវិធានការបង្ការ ការការពារ ទប់ស្កាត់និងជំងឺកូវីឌនៅខេត្តព្រះសីហនុ ។

      ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានស្វាគមន៍និងថ្លែងអំណរគុណម្ចាស់ជំនួយដែល បានចូលរួមជាមួយរដ្ឋបាលខេត្ត ឧបត្ថម្ភនូវទឹកអាល់កុលចំនួន ៥០កាន ដើម្បីយកទៅប្រើប្រាស់បំរើឱ្យកាងារបង្ការ ទប់ស្កាត់នឹងជំងឺ Covid-១៩ នៅខេត្តព្រះសីហនុ ។ ឯកឧត្តមបន្តថា ទឹកអាល់កុលទាំងអស់នេះនឹងនាំយកទៅធ្វើការចែកជូនសាលារៀននានា ក្នុងខេត្តព្រះសីហនុដើម្បីប្រើប្រាស់ក្នុងការបង្ការ ការពារទប់ស្កាត់ជំងឺ Covid-១៩ នៅតាមសាលារៀននានាស្របពេលដែលរាជរដ្ឋាភិបាលកម្ពុជាបានអនុញ្ញាតឱ្យក្រសួងអប់រំ យុវជន និងកីឡា បើកដំណើរការសាលារៀនជំហានទី២ ឡើងវិញ ។

ប្រភព៖ រដ្ឋបាលខេត្តព្រះសីហនុ