ថ្នាក់ដឹកនាំខេត្តកោះកុង អនុញ្ញាតឱ្យប្រធានសមាគមន៍វៀតណាម ប្រចាំខេត្តកោះកុង ជួបសម្ដែងការគួរសម និងប្រគល់សម្ភារទប់ស្កាត់ជំងឺកូវីត-១៩ ជូនរដ្ឋបាលខេត្ត
ថ្ងៃអង្គារទី៨ ខែកញ្ញា ឆ្នាំ២០២០ លោក ទូ សាវុធ អភិបាលស្តីទីខេត្តកោះកុង បានអនុញ្ញាតឱ្យប្រធានសមាគមន៍វៀតណាម ប្រចាំខេត្តកោះកុង ជួបសម្ដែងការគួរសម និងប្រគល់សម្ភារទប់ស្កាត់ជំងឺកូវីត-១៩ ជូនរដ្ឋបាលខេត្តកោះកុង រួមមាន ទឹកលាងដៃ ចំនួន ១,០០០ ដប និងម៉ាស់ ចំនួន ២,០០០ ដែលជាការឧបត្ថមពី អគ្គកុងស៊ុលវៀតណាម ប្រចាំខេត្តព្រះសីហនុ។
លោកអភិបាលខេត្តស្តីទី សូមថ្លែងអំណរគុណ នូវការចែករំលែក របស់អគ្គកុងស៊ុលវៀតណាម ប្រចាំខេត្តព្រះសីហនុ ដែលបានឧបត្ថម្ភ ទឹកលាងដៃ ចំនួន ១,០០០ ដប និងម៉ាស់ ចំនួន ២,០០០ ដើម្បីទប់ស្កាត់ជំងឺកូវីត-១៩ ជាមួយរដ្ឋបាលខេត្តកោះកុង ជាមួយគ្នានេះដែរសូមឲ្យគ្រប់ភាគីពាក់ព័ន្ធ ចូលរួមគ្នា ក្នុងការទប់ស្កាត់ការរីករាលដាលជំងឺកូវីដ ដោយអនុវត្តតាមការណែនាំរបស់ WHO និងក្រសួងសុខាភិបាល៕
ប្រភព៖ រដ្ឋបាលខេត្តកោះកុង
