កំពង់ឆ្នាំង៖ កាលពីរសៀលថ្ងៃអាទិត្យទី៦ ខែកញ្ញា ឆ្នាំ២០២០ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញចុះជួបសំណេះសំណាល សាកសួរសុខទុក្ខដល់ បងប្អូនកម្មករ កម្មការិនី ដែលកំពុងបំពេញការងារសំណង់ នៅការដ្ឋានទាំង៧ ក្នុងខេត្តកំពង់ឆ្នាំង។
ក្នុងឱកាសសំណេះសំណាលនោះឯកឧត្ដម បានផ្តាំផ្ញើដល់បងប្អូនត្រូវមានការប្រុងប្រយ័ត្នខ្ពស់ និងបង្ការ ទប់ស្កាត់នៃជម្ងឺកូវីដ១៩ គឺត្រូវចេះធ្វើអនាម័យឱ្យបានជាប្រចាំ ដោយលាងដៃនឹងទឹកសាប៊ូ អាល់កុល ឬជែល និងពាក់ម៉ាស់ឱ្យបានត្រឹមត្រូវ និងរក្សានូវគន្លាតសុវត្ថិភាព។
សូមបញ្ជាក់ជូនផងដែរថាៈ ពិធីសំណេះសំណាល សាកសួរសុខទុក្ខដល់ បងប្អូនកម្មករ នាឱកាសនោះគឺក្នុងពីធីបុណ្យកាន់បិណ្ឌ-ភ្ជំបិណ្ឌ។ ឯកឧត្តម បាននាំយកអំណោយជាគ្រឿងឧបភោគបរិភោគ ចែកជូនរួមមាន៖ អង្ករ ទឹកត្រី ទឹកស៊ីអ៊ីវ អំបិល ប៊ីចេង និងស្ករស៕
ប្រភព៖ រដ្ឋបាលខេត្តកំពង់ឆ្នាំង